欢迎订阅小号，来第一线吃瓜 ↓↓↓
艺人余文乐早年娶台湾「皮带千金」王棠云后，就逐步淡出幕前演出，做自家潮牌老板又投资加密货币等，密密赚唔停手，可惜去年佢自爆患上惊恐症，至少已有两次发作，令人担心。当大家以为之后会好少见到佢嘅演出，原来佢最近已重返香港市场，为TVB拍综艺节目。
近日佢随团队出发澳洲，接受无线娱乐新闻台访问，宣布成为全面复出第一步：「今年开始出番嚟做嘢，多谢大家挂心，我开始排到密密麻麻咁做嘢。」余文乐仲叫大家唔使担心，因为今次拍摄节目行程佢会「慢慢嚟、唔急赶」，佢亦表示今次拍摄长达12日，全程将会得佢自己一个，开头都有少少担心，但因为当中有唔少地方未去过，所以佢都十分期特，以行动克服惊恐症。
同时，艺人姜皓文日前出发前往中东也门，为无线拍摄旅游节目《与天地对话》，但遇战火横飞，佢闯危险地带更一度失联，吓怕老婆。近日佢已安全返港，同样接受无线娱乐新闻台访问，并亲述拍外景难忘经历。
佢指抵达也门就感受到气氛紧张，公司喺当地外聘请咗一啲军人沿路保护，甚至买樽水、过马路都要一个军人傍住。又称拍摄地点与空袭位置有啲距离，整个也门一日停好多次电，冇Wifi无法通讯，即使酒店嘅Wifi都系断断续续收到，姜皓文坦言亲友有啲担心，一定要联络到佢先安心。
而佢有次去大峡谷拍壮观景色，航拍机就差啲被军方枪炮击落，幸好军方联络到当地领队了解情况，知道佢哋喺大峡谷拍嘢，仲叫佢哋要立即收起航拍机，佢又要自己行去好远，要一直用对讲机确定边啲位置系行得，确保唔会行入军事禁地。
今次行程紧凑喺也门拍外景高温难耐，需要时刻补充水分，又要勤涂护肤霜，佢笑指就算啲嘢系几特别都好，一班人食嘢都好开心，并大赞节目设计得好好，有一个人嘅感觉，可以畅所欲言讲自己嘢，拍摄过程好开心。
谢谢大家，今后也让我们一起愉快吃瓜吧~
