ءوز حابارىمىز: مەملەكەت ءتوراعاسى شي جينپيڭ 11-ايدىڭ 27-كۇنى ورسەيگە تەلەگرامما جولداپ، ونىڭ ۋراگۋاي شىعىس جاعالاۋ رەسپۋبليكاسىنىڭ زۇڭتوڭى بولىپ سايلانعاندىعىن قۇتتىقتادى. شي جينپيڭ بىلاي دەپ انىق ايتتى: جۇڭگو مەن ۋراگۋاي ءبىر ـ بىرىنە سەنەتىن جاقسى دوستار، سەلبەسە ورتاق يگىلىكتەنەتىن جاقسى سەرىكتەر. ديپلوماتيالىق قاتىناس ورناتقان 36 جىلدان بەرى، ەكى ەل باستان ـ اياق ءوزارا قۇرمەت ەتۋگە، تەڭ تۇرعىدا مامىلە جاساۋعا، ءوزارا پايدا جەتكىزە ورتاق يگىلىكتەنۋگە تاباندى بولىپ ، ءبىر ـ ءبىرىنىڭ وزەكتى مۇددەسىنە ساياتىن ماسەلەلەردە ءبىرىن ـ ءبىرى تاباندىلىقپەن قولداپ، ءار سالاداعى ناقتى سەلبەستىكتە سۇبەلى تابىستارعا قول جەتىپ، ەكى ەل حالقى دوستىعى جۇرت جۇرەگىنە تەرەڭ ۇيالادى. مەن جۇڭگو-ۋراگۋاي قاتىناسىن دامىتۋعا ايرىقشا ءمان بەرەمىن، جاڭادان سايلانعان زۇڭتوڭ ورسەيمەن بىرلىكتە قۇلشىنىپ، جۇڭگو-ۋراگۋاي دوستىعىن جالعاستىرىپ، جۇڭگو مەن ۋراگۋايدىڭ جالپى بەتتىك ستراتەگيالىق سەرىكتەستىك قاتىناسىندا اناعۇرلىم مول تابىستارعا قول جەتكىزۋدى ىلگەرىلەتىپ ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
سول كۇنى مەملەكەت ءتوراعاسىنىڭ ورىنباسارى حان جىڭ ۋرۋگۆاي زۇڭتۇڭىنىڭ ورىنباسارى كارولينا گوسسەگە قۇتتىقتاۋ تەلەگرامما جولدادى.
