虞书欣、小生丁禹兮新剧《永夜星河》一开播即爆红，带挈两位主角人气三级跳，《永》更有一位猛将未播先上热搜，佢就系人气女神钟欣潼（阿娇），阿娇早前因为古装仙女look靓爆全场，仙气比女主角虞书欣更抢眼，因此大家对佢喺剧中表现有好高期待，估唔到近日终于播埋佢黑化造型，索到即令佢再次直登热搜！
阿娇于新剧《永夜星河》中客串饰演男主角丁禹兮母亲“慕容儿”一角，剧中身为“魅女”嘅佢爱上男主爸爸“赵轻欢”，但却喺怀孕时遭对方抛弃，因而出现两种人格，最后被黑化“怨女”人格吞噬。由官方释出片段中，可见仲未变反派嘅佢，一身纯白古装、清新脱俗样，大家一早见过，佢喺黑化后，改化上更精致妆容，以暗红色装扮登场，眼神魅惑感十足，将美艳大奸角演得淋漓尽致。唔少网友被佢嘅演技震慑到“神颜美疯了！”、“真的不只样貌出圈，好演技也应该多点被关注”、“这眼神，气场真的天花板”。
