འཕྱོངས་རྒྱས་རྫོང་བོད་སྐད་ཨུད་གཞུང་ལས་ཁང་(རྩོམ་སྒྱུར་ཅུད)གིས་
“རྒྱལ་ཁབ་དབུ་བརྙེས་ནས་ལོ་ངོ་75འཁོར་བའི་འཁྲུངས་སྐར་ལ་བསྟོད་གླུ་འབུལ་བ་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི”བརྗོད་བྱ་གཙོ་བོའི་ཡིག་གཟུགས་འགྲན་བསྡུར་སྤེལ་རྒྱུའི་སྐོར་གྱི་བརྡ་ཐོ།
རྫོང་ཡོངས་ཀྱི་ཡིག་གཟུགས་ལ་དགའ་ཞེན་ཡོད་མཁན་རྣམ་པ་ཚོ།
ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་75འཁོར་བ་དང་བོད་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བར་བསུ་བ་ཞུ་ཆེད། ཡིག་གཟུགས་སྒྱུ་རྩལ་ལ་བརྟེན་ནས་རྫོང་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་རྣམ་པ་གསར་པ་དང་། དཔལ་འབྱོར་འཕེལ་རྒྱས་ཀྱི་མཆོང་སྐྱོད་གསར་པ། དམངས་འཚོའི་བདེ་སྐྱིད་ལྡན་པའི་རྣམ་པ་གསར་པ། རིག་གནས་འཕེལ་རྒྱས་དང་དར་རྒྱས་ཀྱི་གསོན་ཤུགས་གསར་པ་བཅས་དུས་རབས་ཀྱི་རྣམ་པ་གསར་པ་གང་ལེགས་མངོན་པར་བྱ་ཆེད། “ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི”བརྗོད་བྱ་གཙོ་བོའི་རྒྱ་ཡིག་དང་བོད་ཡིག་གི་ཡིག་གཟུགས་འགྲན་བསྡུར་ཆེད་གཉེར་བྱ་རྒྱུ་ཡིན་པས། ད་ལྟ་འབྲེལ་ཡོད་ནང་དོན་བརྡ་ཐོ་གཏོང་རྒྱུ་གཤམ་གསལ།
གཅིག སྒྲིག་འཛུགས་ཚན་པ།
འཕྱོངས་རྒྱས་རྫོང་བོད་སྐད་ཡིག་ལས་དོན་ཨུ་ཡོན་ལྷན་ཁང་གཞུང་དོན་ཁང་(རྫོང་རྩོམ་སྒྱུར་ཅུད་) གཉིས། བརྩམས་ཆོས་ཀྱི་ནང་དོན།
བརྩམས་ཆོས་ནི“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ”བརྗོད་དོན་གཙོ་བོར་བྱས་ཏེ་རྒྱ་ཡིག་དང་བོད་ཡིག་ཡིག་གཟུགས་ཀྱི་མཚོན་ཚུལ་སྤྱད་དེ་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་མཚོན་པ་དང་ནང་དོན་གཡར་ཐོན་དང་སྐྱོན་བྲལ་ཡིན་དགོས།
གསུམ། བསྡུ་ལེན་བྱེད་པའི་དུས་ཚོད།
2024ལོའི་ཟླ་9ཚེས་10ཉིན་ནས་2024ལོའི་ཟླ་9ཚེས་25ཉིན་བར།
བཞི། འགྲན་ཞུགས་ཁྱབ་ཁོངས་དང་བསྡུ་རུབ་ཀྱི་བླང་བྱ།
1.འགྲན་བསྡུར་ནང་ཞུགས་མཁན་ནི་འཕྱོངས་རྒྱས་རྫོང་གི་རྒྱ་ཆེའི་ལས་བྱེད་མང་ཚོགས་དང་། སློབ་གྲྭའི་དགེ་སློབ། དགོན་སྡེའི་གྲྭ་བཙུན་བཅས་དང་དེ་བཞིན་རྫོང་ཁོངས་གི་ལས་རིགས་གཞན་དག་གི་ཡིག་གཟུགས་ལ་དགའ་ཞེན་ཡོད་མཁན་བཅས་ཡིན།
2.རྒྱ་ཡིག་དང་བོད་ཡིག་གི་ཡིག་གཟུགས་རིགས་ལ་ཚད་བཀག་མེད།
3.འགྲན་ཞུགས་བརྩམས་ཆོས་ཚང་མ་གསར་རྩོམ་ཡིན་དགོས།
4.འགྲན་ཞུགས་བརྩམས་ཆོས་ཀྱི་ཤོག་བུའི་ཆེ་ཆུང་དང་། མཐའ་སྦྱར་གཏོང་དང་མི་གཏོང་སོགས་ལ་བླང་བྱ་ཞིབ་ཕྲ་མེད་པས་བརྩམས་ཆོས་ཀྱི་ནང་དོན་དང་མཛེས་རྒྱན་སོགས་ཀྱི་དགོས་མཁོར་གཞིགས་ནས་སོ་སོས་གཏན་འཁེལ་བྱེད་དགོས།
4.བརྩམས་ཆོས་ཁྲོད་དུ་ཡིག་གཟུགས་སྣ་མང་འདྲེས་མར་བྲིས་མི་ཆོག རྩོམ་པ་པོའི་མིང་རྟགས་འགོད་དགོས། ཆོས་ལུགས་ཀྱི་མཚོན་ཚུལ་ལྡན་པའི་ཐམ་རིས་བཀོད་མི་ཆོག
ལྔ། བྱ་དགའ་དཔྱད་འདེམས་བྱེད་སྟངས།
ཡོངས་བསྒྲགས་དང་། དྲང་གཞག འདྲ་མཉམ་གྱི་བཅས་ཀྱི་རྩ་དོན་མཐའ་འཁྱོངས་བྱས་ཏེ་ཡིག་གཟུགས་བརྩམས་ཆོས་གཅིག་གྱུར་ཐོག་དཔྱད་འདེམས་བྱ་རྒྱུ་དང་། ཡིག་གཟུགས་འགྲན་བསྡུར་ནང་རྒྱ་ཡིག་དང་བོད་ཡིག་ཁག་སོ་སོར་བྱ་དགའ་རིམ་པ་དང་པོ་1དང་། བྱ་དངུལ་སྒོར་1000སྤྲོད་རྒྱུ། རྒྱ་ཡིག་དང་བོད་ཡིག་ཁག་སོ་སོར་བྱ་དགའ་རིམ་པ་གཉིས་པ་2རེ་དང་། བྱ་དངུལ་སྒོར་700སྤྲོད་རྒྱུ། རྒྱ་ཡིག་དང་བོད་ཡིག་ཁག་སོ་སོར་བྱ་དགའ་རིམ་པ་གསུམ་པ་3རེ་དང་། བྱ་དངུལ་སྒོར་500སྤྲོད་རྒྱུ། དེ་བཞིན་ཕུལ་བྱུང་གི་བྱ་དགའ་དང་བྱ་དགའི་དངོས་པོ་སྤྲོད་རྒྱུ། བྱ་དགའ་ཐོབ་པའི་བརྩམས་ཆོས་ལ་བྱ་དགའི་མཚན་སྙན་ལག་ཁྱེར་ཡང་སྤྲོད་རྒྱུ།
དྲུག འགྲན་ཞུགས་བྱེད་སྟངས།
1.འགྲན་བསྡུར་ནང་ཞུགས་མཁན་གྱིས་2024ལོའི་ཟླ་9ཚེས་25ཉིན་གྱི་ཆུ་ཚོད་18：30ཡི་གོང་ཡིག་གཟུགས་བརྩམས་ཆོས་རྫོང་བོད་སྐད་ཡིག་ལས་དོན་ཨུ་ལྷན་གཞུང་དོན་ཁང་（རྫོང་སྲིད་གཞུང་གི་སྒོ་རའི་ནང་གི་ཐོག་ཁང་རྙིང་པའི་ཐོག་ས་གསུམ་པའི་སྒོ་རྟགས་309ནང་）དུ་སྐྱེལ་དགོས།
བདུན། དོ་སྣང་བྱ་དགོས་པའི་དོན་ཚན།
1.ཐེངས་འདིའི་འགྲན་བསྡུར་ནང་ཞུགས་པར་གྲོན་དངུལ་ཅི་ཡང་མི་དགོས་པ་དང་། འགྲན་ཞུགས་བརྩམས་ཆོས་སྤྱིར་ན་གཙོ་གཉེར་ཚན་པས་ཉར་རྒྱུ།
2. གཙོ་གཉེར་ཚན་པར་འགྲན་ཞུགས་བརྩམས་ཆོས་འགྲེམས་སྟོན་དང་། པར་ལེན། དེབ་བཟོ། དྲིལ་བསྒྲགས་སོགས་བྱེད་པའི་དབང་ཆ་ཡོད།
3.ཟླ་9པའི་ཟླ་མཇུག་ཏུ་བྱ་དགའ་ཐོབ་པའི་བརྩམས་ཆོས་འགྲེམས་སྟོན་དང་བྱ་དགའ་སྤྲོད་པའི་མཛད་སྒོ་སྤེལ་རྒྱུ། དུས་ཚོད་དང་ས་གནས་ཞིབ་ཕྲ་ལོགས་སུ་བརྡ་ཐོ་གཏོང་རྒྱུ།
འབྲེལ་གཏུག་བྱ་ཡུལ། འཕྱོངས་རྒྱས་རྫོང་བོད་སྐད་ཡིག་ལས་དོན་ཨུ་ཡོན་ལྷན་ཁང་གཞུང་དོན་ཁང་(རྫོང་རྩོམ་སྒྱུར་ཅུད་)
འབྲེལ་གཏུག་མི་སྣ། བསྟན་འཛིན་ཆོས་འཛོམས།
འབྲེལ་གཏུག་ཁ་པར། 0893-7352147 17889009252
འཕྱོངས་རྒྱས་རྫོང་བོད་སྐད་ཡིག་ལས་དོན་ཨུ་ཡོན་ལྷན་ཁང་གཞུང་ལས་ཁང་(རྫོང་རྩོམ་སྒྱུར་ཅུད་)
2024ལོའི་ཟླ་9ཚེས་9ཉིན།
