མཚོ་སྔོན་ཞིང་ཆེན་མཚོ་ཤར་གྲོང་ཨུའི་དེ་སྔའི་རྒྱུན་ཨུ་དང་ཧུའུ་ཀྲུའུ་རྫོང་ཨུའི་དེ་སྔའི་ཧྲུའུ་ཅི་ཆང་ཅན་ཧའེ（ཐིང་རིམ་པ་གཞོན་པ་）ཡིས་ལྐོག་རྔན་བླངས་པའི་དོགས་གཞི་ཡོད་པའི་གྱོད་གཞི་དེ་མཚོ་སྔོན་ཞིང་ཆེན་ལྟ་ཞིབ་ཨུ་ཡོན་ལྷན་ཁང་གིས་བརྟག་དཔྱད་མཇུག་བསྒྲིལ་ནས། ཞིབ་དཔྱོད་ལས་ཁུངས་ལ་ཞིབ་བཤེར་དང་ཞུ་གཏུག་བྱ་རྒྱུར་བསྐྱལ་བ་རེད། ཉིན་ཤས་གོང་། མཚོ་སྔོན་ཞིང་ཆེན་མི་དམངས་ཞིབ་དཔྱོད་ཁང་གིས་ཁྲིམས་ལྟར་ལྐོག་རྔན་བླངས་པའི་ཉེས་གསོག་དོགས་ཡོད་ཀྱི་ཐོག་ནས་ཆང་ཅན་ཧའེ་འཛིན་རྒྱུའི་ཐག་བཅད། གྱོད་དོན་འདི་ཐག་གཅོད་བྱེད་སྒང་ཡིན།
