麦玲玲主持的清谈节目《玲玲友情报》最近一集邀来萧正楠当嘉宾。麦玲玲透露以往曾跟其太太黄翠如合作主持节目﹕“我同佢讲将来老公系行家同埋好靓仔。”她直指阿萧最初印象是闷蛋一名﹕“呢个男仔一定好人但好正路，反而咪睇阿Bob（林盛斌）虽然样衰衰、猥猥琐琐咁，但女仔会觉得佢好搞笑。”阿萧忍不住反击，指自己其实非常百厌喜欢搞事，但要在熟悉环境。
阿萧又自爆说﹕“我系唔锺意照顾人，不过老婆既然系唔识照顾自己，咪惟有我照顾佢啰。记忆中翠如只系煮过一餐饭，不过佢煲水都会焫亲手，咁危险嘅，不如远离厨房啦。”
提到二人的定情剧《师奶 MADAM》，他笑说︰“老实讲拍剧冇咩太大感觉，净系一位女同事，几funny，直到拍入面斗气场面，发觉大家都好自动波，好多互动，变咗了解对方同多咗默契。”剧集竣工后，阿萧忽然感到空虚，觉得我去了“斗气对”：“嗰时佢同洪永城去咗南非，啲人话洪永城系佢男朋友喎，打去问下翠如拍成点，联络多咗，返嚟开始约吓。”
麦玲玲闻得翠如生蛇B，即表示小朋友必然会集父母靓仔靓女等优良传统于一身﹕“蛇B同蛇、鸡嘅父母系绝配嘅组合，特别肖鸡嘅翠如，蛇鸡属三合生肖，感情特别亲昵。”
