陈豪早前被揭送60万鳄鱼皮手袋畀前港姐冠军、太太陈茵媺，震撼网民，佢仲大胆豪言话：“锡老婆系必需嘅，So what？”，爱妻之心无遮无掩，更被指年赚三千万，出手送礼畀太太自然阔绰。估唔到佢话音未落，一转身佢就被发现现身南京名店，更疑似即场掷钱买包包畀靓老婆。
陈豪最近同丁子朗亮相南京出席星光见面会，同一众影迷见面互动。佢台上大冧影迷，台下心系老婆大人，一收工陈豪就现身名牌店，网友拍得店员为陈豪介绍名牌手袋一幕，离远已经见到佢拎住手袋左睇右睇，好专心听店员讲解，嘴角全程露出满意笑容劲冧猪，仲将手袋孭喺自己膊头咁行去畀钱，真系宠妻无极限！
