جۋىردا تەڭىز ارمياسىنىڭ لياۋنيڭ ۇرىس كەمەسى بيىلعى شالعاي تەڭىزدە ناقتى شايقاس فورماسىندا جاتتىعۋ وتكىزۋدى ءساتتى ورىنداپ، اۆياماتكا كەمەجايىنا حاۋىپسىز قايتىپ ورالدى.
جاتتىعۋ مەزگىلىندە، اۆياماتكا قۇراماسى حۋاڭحاي، دۇڭحاي، نانحاي قاتارلى تەڭىز الاپتارىنا قاراي بۇرىلىس جاساپ، ناقتى شايقاستى ارتقى كورىنىس ەتكەن ءتۇرلى مازمۇندارعا جان – جاقتى جاتتىعۋ جاسادى، كوماندير – جاۋىنگەرلەر بۇكىل بارىستا ءسات سايىن سايىسقا ساقاداي سايلانعان كۇيدە بولدى. نانحاي تەڭىزىندەگى ءمالىم تەڭىز الابىندا لياۋنيڭ ۇرىس كەمەسى مەن شاندۇڭ ۇرىس كەمەسىنەن قۇرالعان اۆياماتكا قۇراماسى تۇڭعىش رەت قوس اۆياماتكا قۇراماسىنىڭ جاتتىعۋىن ورىستەتىپ، اۆياماتكا قۇراماسىنىڭ جۇيەلى شايقاس جاساۋ قۋاتىن شىڭايتتى ءارى جوعارىلاتتى.
بۇل رەتكى مىندەت جۇڭچيۋ، مەملەكەت مەرەكەسى قاتارلى مەرەكە مەزگىلىنە تۋرا كەلىپ، قوسىنداعى كوماندير – جاۋىنگەرلەر ءوز ورنىندا تاباندى بولىپ، ۇزدىكسىز شايقاس جاساپ، وتباسىنداعىلارعا بولعان ساعىنىشى مەن وتانعا دەگەن تىلەگىن ءبىرىنشى شەپتەگى جاتتىعۋعا، شايقاستا جەڭىپ شىعۋعا بولعان اسقاق جىگەرگە اينالدىرىپ، شالعاي تەڭىز – مۇحيتتا وتان مەن حالىقتى كۇزەتتى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
