ཟླ་11ཚེས་1ཉིན། ཕྱི་འབྲེལ་པུའི་གསར་འགོད་པའི་རྒྱུན་ལྡན་གྱི་ཚོགས་འདུ་འཚོགས་རྗེས་གསར་འགོད་པ་ཞིག་གིས། ཀྲུའུ་ཞི་ཞི་ཅིན་ཕིང་གིས་སི་ལོ་ཝ་ཁེའི་ཙུང་ལི་ཧྥེ་ཙུའོ་དང་མཇལ་འཕྲད་གནང་སྐབས། ཀྲུང་གོ་ཕྱོགས་ཀྱིས་སི་ལོ་ཝ་ཁེ་ཕྱོགས་རྐྱང་པར་ཐོངས་མཆན་འགོད་མི་དགོས་པའི་ཁྱབ་བསྒྲགས་བྱས་པར་ང་ཚོ་དོ་སྣང་བྱུང་། གནས་ཚུལ་ཞིབ་ཕྲ་ངོ་སྤྲོད་བྱས་ན་འགྲིག་གམ། གོ་ཆོད་རྒྱལ་ཁབ་20ཕུད། ད་དུང་ཐོངས་མཆན་འགོད་མི་དགོས་པའི་རྒྱལ་ཁབ་གསར་དུ་བསྣན་པ་ཡོད་དམ་ཞེས་དྲིས།
འདིའི་ཐད། ཕྱི་འབྲེལ་པུའི་མགྲིན་ཚབ་པ་ལིན་ཅན་གྱིས། ཀྲུང་གོ་དང་ཕྱི་རྒྱལ་གྱི་མི་སྣའི་འགྲོ་འོང་སྔར་བས་སྟབས་བདེ་ཡོང་བར་བྱེད་ཆེད། ཀྲུང་གོ་ཕྱོགས་ཀྱིས་ཐོངས་མཆན་འགོད་མི་དགོས་པའི་རྒྱལ་ཁབ་ཀྱི་ཁྱབ་ཁོངས་རྒྱ་ཆེར་གཏོང་རྒྱུའི་ཐག་བཅད་ཡོད། 2024ལོའི་ཟླ་11ཚེས་8ཉིན་ནས་བཟུང་སི་ལོ་ཝ་ཁེ་དང་། ནོར་ཝེ། ཧྥིན་ལན། ཏེན་མག འཁྱགས་གླིང་། ཨན་ཏོར། མོ་ན་ཁོ། ལེ་ཀྲི་ཐན་སི་ཐེན། ཁོ་རེ་ཡ་ལྷོ་མ་བཅས་ཀྱི་ལམ་ཡིག་དཀྱུས་མ་ཡོད་མཁན་ལ་ཐོངས་མཆན་འགོད་མི་དགོས་པའི་སྲིད་ཇུས་ཚོད་ལྟ་བྱ་རྒྱུ་ཡིན་ཞེས་བཤད་པ་རེད། 2025ལོའི་ཟླ་12ཚེས་31ཉིན་བར། རྒྱལ་ཁབ་9ཡི་ལམ་ཡིག་དཀྱུས་མ་ཡོད་མཁན་གྱིས་ཀྲུང་གོར་ཚོང་གཉེར་དང་། ཡུལ་སྐོར་ལྟ་སྐོར། གཉེན་ཉེ་དང་གྲོགས་པོར་འཚམས་འདྲི། ས་མཚམས་ལས་སྒྲོལ་ཡུན་ཉིན་15ལས་མི་བརྒལ་བར་རྒྱལ་གྲོལ་ཐོངས་མཆན་འགྲིམས་མི་དགོས་པར་ཡོང་ཆོག་པ་བཟོས།
