10 – ايدىڭ 31 – كۇنى تۇستەن كەيىن، مەملەكەت قورعانىسى مينيسترلىگىنىڭ كەزەكتى تىلشىلەردى قابىلداۋ ءماجىلىسى وتكىزىلىپ، مەملەكەت قورعانىسى مينيسترلىگىنىڭ مالىمدەمەشىسى جاڭ شياۋگاڭ داشياۋ تىلشىلەردىڭ سۇراۋىنا جاۋاپ قايتاردى.
ءتىلشى بىلاي دەپ سۇرادى: تايۋاننىڭ ”قورعانىس مينيسترى“: ”تايۋان ءۇندى – تىنىق مۇحيت الابىنداعى ءبىرىنشى ارالدار تىزبەگىندەگى جول تورابىنا ورنالاسقان، ماڭىنداعى تەڭىز الابى دۇنيە جۇزىلىك ساۋداداعى ماڭىزدى تەڭىز جولى، ازاتتىق ارميا تايۋاندى قۇرساۋلاۋدا، حالىقارالىق ولشەم بويىنشا، ءسوزسىز بارلىق كەمەلەر مەن ۇشاقتاردىڭ كىرۋىنە تيىم سالۋ كەرەك، مۇنداي ءتاسىلدى سوعىس ارەكەتى دەپ قاراۋعا بولادى، حالىقارا بۇعان قاراپ وتىرمايتىن شىعار“ دەگەن. بۇعان قانداي پىكىر بىلدىرەسىز؟
جاڭ شياۋگاڭ: تايۋان — جۇڭگونىڭ ءبىر ولكەسى، وندا قايداعى ”قورعانىس مينيسترى“ بولسىن! تايۋان ماسەلەسىن شەشىم ەتۋ — جۇڭگولىقتاردىڭ ءوز ءىسى، ءارقانداي سىرتقى كۇشتىڭ كيلىگۋىنە جول بەرىلمەيدى. ازاتتىق ارميانىڭ قاتىستى جاتتىعۋلارىنىڭ ماقساتى — ”تايۋان دەربەستىگىنە“ سوققى بەرۋ، جۇڭحۋا ۇلتىنىڭ ءتۇبىرلى مۇددەسى مەن تايۋاندىق باۋىرلاستاردىڭ حاۋىپسىزدىگىن، باقىتىن قورعاۋ. دەموكراتيانى ىلگەرىلەتۋ پارتياسىنىڭ بيلىك باسىنداعىلارعا اداسقان بەتىنەن قايتپاي قويماۋدى قاتاڭ ەسكەرتەمىز، ”سىرتقى كۇشتەرگە ارقا سۇيەپ، ءوزىنىڭ بەدەلىن كوتەرمەك بولعاندارعا“ شىعار جول جوق، شىعار جول — تەك دەر كەزىندە كەرى قايرىلۋ عانا.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
