”ىنتىماق جولى بازارىنىڭ جەر استى بولمەسىنە سۋ كىرىپ كەتتى، قاتىستى تاراۋلارمەن قارىم-قاتىناس جاساپ ءبىر جايلى ەتسەڭىزدەر“، ”ءۇيىم جىلى ەمەس، كاسىپتىك قىزمەتكەرلەردى تەكسەرىپ جوندەۋگە ورنالاستىرساڭىزدار“... بيىل 6-ايدا التاي قالاسىنىڭ ”ۇكىمەت قىزمەتىنەن جاۋاپ بەرۋ التىنتاۋدا“ اتتى شاعىن باعدارلاماسى جەلىگە شىعارىلعاننان بەرى، بۇل تەكشە ءار ۇلت بۇقاراسىنىڭ تالاپ-تىلەگىن اڭىس ەتەتىن ارناسىنا اينالىپ، ءجۇرىس-تۇرىس حاۋىپسىزدىگىنەن قالانىڭ تۇرمىس ساپاسىنا قاتىستى ءتۇرلى ماسەلەلەرگە دەيىن وسى تەكشە ارقىلى دەركەزىندە نازار اۋدارىلدى جانە ءونىمدى شەشىلدى.
”ۇكىمەت قىزمەتىنەن جاۋاپ بەرۋ التىنتاۋدا“ اتتى شاعىن باعدارلامانىڭ ارتقى تەكشەسىنىڭ ساناعىنا قاراعاندا، بۇقارا اڭىس ەتكەن قولامتالى ماسەلەلەر نەگىزىنەن قالا قۇرىلىسى جاعىنا شوعىرلانعان. شاعىن باعدارلاما ”جەلىدە تاپسىرىس بەرۋ“، ”تەكشە تاپسىرىستى جونەلتۋ“، ”تاراۋلار تاپسىرىستى قابىلداۋ“ سىندى جوعارى ءونىمدى قىزمەت وتەۋ ۇلگىسىن قولدانىپ ماسەلەلەردى شەشەدى. تۇتىنۋشىلار شاعىن باعدارلاما ارقىلى ءسوز قالدىرعاننان كەيىن تەكشە ماسەلەنى دەرەۋ قاتىستى جاۋاپتى ورىندارعا اڭىس ەتەدى. قاتىستى جاۋاپتى ورىندار تاپسىرىستى تاپسىرىپ العاننان كەيىن دەرەۋ تاپسىرىستى قابىلداۋ مەحانيزمىن ىسكە قوسىپ، ارناۋلى ادام قاداعالاپ ءبىر جاقتى ەتىپ، مەرزىم بويىنشا قايتالاي ۇعىسىپ، باعىتتامالى شەشۋ جوباسىن جاسايدى ءارى ءبىرجاقتى ەتۋ ناتيجەسىنىڭ تياناقتانۋىن، ناقتىلانۋىن جەدەل ىلگەرىلەتىپ، بۇقارانىڭ ماڭايىنداعى ”كەلەلى ىستەردىڭ“ ءونىمدى شەشىلۋىنە كۇش سالادى.
”’ۇكىمەت قىزمەتىنەن جاۋاپ بەرۋ التىنتاۋدا‘ اتتى شاعىن باعدارلاما ارقىلى مەن اڭىس ەتكەن ماسەلە تەز ارادا شەشىلدى، ونىڭ ۇستىنە، ءبىرجاقتى ەتۋ قارقىنى مەن ناتيجەسىن دەركەزىندە تەكسەرە الامىن، وتە قولايلى ەكەن“،-دەدى التاي قالاسىنىڭ تۇرعىنى رىن مىرزا.
بيىل 12-ايدىڭ 5-كۇنىنە دەيىن ”ۇكىمەت قىزمەتىنەن جاۋاپ بەرۋ التىنتاۋدا“ اتتى شاعىن باعدارلاما بۇقارانىڭ 964 لەبىزىن تاپسىرىپ الدى، ونىڭ مازمۇنى قالا قۇرىلىسى، قاتىناس، ورتانى قورعاۋ سياقتى 14 ءتۇردى قامتىدى. تەكشە تاۋلىك بويى قابىلداپ جاۋاپ قايتارۋعا، ءبىر دە 3 كۇن ىشىندە بىتىرۋگە ۋادە بەردى، قازىر 933 ءتۇرلى ءىس ءبىرجاقتى ەتىلىپ، ءبىر جاقتى ەتۋ مولشەرى %96 كە جەتتى. مۇنىڭ ىشىندە بۇقارا كوڭىل ءبولىپ وتىرعان قالا قۇرىلعىلارىن قورعاۋ، قاتىناس، ءجۇرىس-تۇرىس، ديقان جۇمىسكەرلەردىڭ ەڭبەكاقىسىن بەرە الماۋ، بۇقارانىڭ جۇمىستانۋى سياقتى قولامتالى ماسەلەلەر ءونىمدى شەشىلدى. وسى تەكشە ارقىلى التاي قالاسى ”بۇقارا ءسوز قالدىرۋ — تاراۋلار قابىلداۋ — شەكتى مەرزىمدە ءبىتىرۋ — جالپى بارىستى قۋزاۋ — بۇقارا باعالاۋ“ سىندى جابىق باسقارۋ مەحانيزمىن قالىپتاستىرىپ، قالانى جونگە سالۋدىڭ ونىمدىلىگىن ارتتىرىپ، دەڭگەيىن اناعۇرلىم جوعارىلاتتى.
来源：雪都嘟/阿勒泰地区融媒体中心
记者：张楠
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
