WXRedian | 中央广播电视总台哈萨克语 | تاكلاماكان ءشولىن ورمانمەن كومكەرۋ ينجەنەرياسى ورىندالىپ بولدى

تاكلاماكان ءشولىن ورمانمەن كومكەرۋ ينجەنەرياسى ورىندالىپ بولدى

时事 2024-11-29 14:30 北京

تاكلاماكان ءشولىنىڭ شەت جاعاسىن ورمانمەن كومكەرۋ ينجەنەرياسى ورىندالىپ بولدى

ءوز حابارىمىز: شينجياڭنىڭ تاكلاماكان ءشولىنىڭ جيەگىندەگى قۇمدى جاسىلداندىرۋ جولمەن بوگەۋ شايقاسىنىڭ ەڭ سوڭعى بولىگىندەگى اقتاڭداق وڭىرگە 11 - ايدىڭ 28 - كۇنى ورمان وتىرعىزىلىپ بولدى، بۇل تاكلاماكان ءشولىنىڭ 3046 كيلومەترلىك قۇمدى جاسىلداندىرۋ جولىمەن

بوگەپ قورعانۋ بەلدەۋىنىڭ بۇكىلدەي ورىندالىپ بولعاندىعىن كورسەتەدى.

11 - ايدىڭ 28 - كۇنى شينجياڭنىڭ كەريا اۋدانى تاكلاماكان ءشولىنىڭ جيەگىندەگى 5000 شارشى مەتر كەلەتىن قۇمدى جەرگە روزا گۇلى مايساسى، جىڭعىل اعاشى سياقتى وسىمدىكتەردى ەكتى، سونىمەن تاكلاماكان ءشولىنىڭ جيەگىندەگى ەڭ سوڭعى اقتاڭداق ءوڭىردى جاسىلداندىرۋ ينجەنەرياسى ورىندالدى.

جەر اۋماعى 337 مىڭ 600 شارشى كيلومەتر كەلەتىن تاكلاماكان ءشولى جۇڭگوداعى ەڭ ۇلكەن، دۇنيە جۇزىندەگى ەكىنشى ۇلكەن جىلجىمالى قۇمدىق، 2023 ـ جىلدىڭ سوڭىنا دەيىن، قۇمدى ءشولدىڭ توڭىرەگىندە ۇزىندىعى شامامەن 2761 كيلومەتر كەلەتىن قۇمدى جاسىلداندىرۋ جولمەن بوگەۋ قورعانۋ بەلدەۋى قالىپتاستى. قۇمدى ءشولدىڭ وڭتۇستىك جيەگى مەن شىعىس وڭتۇستىك جيەگىندەگى جاسىل القاپتار اراسىندا 285 كيلومەترلىك جاسىلداندىرىلمان وڭىر قالعان بولاتىن، بۇل وڭىر تاكلاماكان ءشولىنىڭ جيەگىن جاسىلداندىرۋ مىندەتى ەڭ جاپالى وڭىرلەردىڭ ءبىرى.

2023 ـ جىلى 11 ـ ايدا تاكلاماكان ءشولىنىڭ جيەگىندەگى قۇمدى جاسىلداندىرۋ جولىمەن بوگەۋ شايقاسى باستالدى، شينجياڭ جالپى تۇلعالىق جوبا، 9 ءتۇرلى شارا شىعارىپ، بيڭتۋان مەن جەرگىلىكتى ورىنداردى، كورشىلەس اۋدان، قالالاردىڭ اكىمشىلىك رايوندارىن بۇكىلدەي اتتانىسقا كەلتىرىپ، سۋ، ەلەكتر، قارجىدان پايدالانۋ سياقتى جاقتارداعى جالپى فاكتورلاردى قامتاماسىزداندىردى.

تاكلاماكان ءشولى ورنالاسقان "ءۇش تەرىستىك" ءوڭىر ەلىمىزدىڭ شولەيتتەنۋدەن ساقتانۋ جانە ونى تىزگىندەۋدەگى وزەكتى ءوڭىرى، بيىل شينجياڭ "ءۇش تەرىستىك" ينجەنەرياسىنان جالپى 11 ميلليون 397 مىڭ 700 مۋ جەردى ورىنداپ بولدى، مۇنىڭ ىشىندە تاكلاماكان ءشولىنىڭ جيەگىندەگى قۇمدى جاسىلداندىرۋ جولىمەن بوگەۋ شايقاسىندا 7 ميلليون 749 مىڭ مۋ جەرگە ورمان وتىرعىزىلدى.

来源：中央广播电视总台

监制：叶力夏提

审稿：努尔波拉提

翻译：那扎

微信制作：巴特勒

中央广播电视总台哈萨克语

中国哈萨克语广播网（www.kazakcnr.cn）是中央广播电视总台民族语言节目中心主办的国内最权威的哈萨克语新闻网。