شينجياڭدا تاعى ءبىر اۋەجاي سالىناتىن بولدى
جىل سوڭىنان بۇرىن جۇمىس باستايدى
شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى تورابىنىڭ، جۇڭگو حالىقتىق اۆياتسيا تورابىنىڭ حابارىنا قاراعاندا، تاياۋدا شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى شەريا امبەباپ اۋەجايى نىسانىنىڭ سەنىمدىلىگىن زەرتتەۋ بايانداماسىن بەكىتتى. بۇل وسى نىساننىڭ شەشۋشى ماڭىزدى بەلەسكە قادام تاستاپ، جاپپاي قۇرىلىس باستاۋدىڭ جاڭا كەزەڭىنە وتكەندىگىنەن دەرەك بەرەدى.
شەريا امبەباپ اۋەجايى شەريا اۋدانىنىڭ وڭتۇستىگىندەگى كۇنلۇن قىستاعىنا ورنالاسقان، وڭتۇستىك جىبەك جولى اينالما مۇناراسىنىڭ سەنترىنە، كۇنلۇن تاۋ سىلەمىنىڭ ورتا بولىگىنىڭ سولتۇستىك باۋرايىنىڭ ورتالىعىنا ورنالاسقان. اۋەجايدىڭ ورنى A1 دارەجەلى امبەباپ اۋەجاي، ۇشۋ اۋماعىنىڭ دارەجە كورسەتكىشى 2B، ۇزىندىعى 1800 مەتر، كەڭدىگى 30 مەتر كەلەتىن ءبىر سىرعىما جول جانە ەكى ۆەرتيكال بايلانىس جولى، 13 ۇشاق ورنى (10B3H) ايالداماسى، 1800 شارشى مەترلىك اۋەجاي ۋنيۆەرسال عيماراتى (مۇنارا تەكشەسىن قامتيدى)، 2400 شارشى مەترلىك ۇشاق قويماسى قاتارلىلار بار، سونداي - اق، سايكەستى قۇرىلعىلارى دا بار.
حابارعا قاراعاندا، شينجياڭ ەل ىشىندەگى تاسىمال اۋەجاي سانى ەڭ كوپ ولكە (27) بولۋمەن بىرگە، A1 تۇرىندەگى 2 امبەباپ اۋەجاي، B تۇردەگى 15 امبەباپ اۋەجاي بار بولىپ، بۇكىل ەل بويىنشا امبەباپ اۆياتسيا دامۋى ءبىرشاما تەز، ۇشاق اترەتىنىڭ كولەمى جانە اۋەجاي سانى ءبىرشاما كوپ ولكەگە اينالعان. جوبا بويىنشا 2035 - جىلعا بارعاندا، شينجياڭدا A2 دارەجەلىدەن جوعارى امبەباپ اۋەجايدىڭ سانى 98 گە، تىعىزدىعى ءار 100 مىڭ شارشى كيلومەتردە 5.9 عا جەتەدى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
