英皇新人海儿是英国伦敦皇家音乐学院硕士毕业的女高音，故亦有“音乐女神”之名，不少网民除赞叹她有深厚歌唱造诣，亦好奇“海儿”是否其艺名、她到底今年几多岁及是否混血儿？她接受访问时大方自揭谜圑，指“海儿”是真名：“好多人都以为系艺名，其实系我嘅真名嚟嘅，全名叫做陈海儿，一出世就系叫海儿。”
至于年龄是女人最大秘密，但她亦不怕公开说：“一啲都唔介意公开自己年纪，之前有啲报道都有讲我几多岁，我一直都唔介意啲人问我几重、几多岁，呢个真系我嚟㗎嘛，同埋我觉得可以继续老落去都系福份嚟嘅。”再追问芳龄时，她就表示未够资格参加《中年好声音3》，因参赛者需要35岁以上。
再问到海儿是否混血儿？她坦言曾有不少人怀疑过其血统，她绝对是百分百的香港人，又笑言：“我婆婆嗰边系客家人、我爸爸嗰边系潮州人，但我阿爸、阿妈都系喺香港出世长大嘅。之前咪好兴嗰啲DNA Test嘅，我都有玩吓，结果系我90%系中国人，系北边嘅，9%系东南亚人、1%系白人，我都觉得好surprise，嗰1%喺边度嚟呢？系几多代之前呢？哈哈。”
最后问到英皇旗下巨星如云，她最想跟哪位师兄师姐合作？她首选大师姐容祖儿及大师兄张敬轩，她说：“虽然我系读classical出身，唔系成日唱流行曲，但系都好喜欢听佢哋嘅歌㗎，同埋佢哋唱功真系好高，因为我好锺意听啲唱歌技巧，佢哋两位都好高，所以真系好想试吓合作，咁我自己都要继续努力、进步，同佢哋嘅距离拉近啲，大家嘅合作先会靓㗎嘛。”
