ཉེ་ཆར། ཏ་ལེན་ཀྲོའུ་ཧྲུའེ་ཙེ་གནམ་ཐང་གི་འགག་སྒོས་རྒྱལ་མཚམས་ནས་ཡོང་བའི་དུས་གཏན་གནམ་གྲུའི་ཐོག་གི་འགྲུལ་པར་ལྟ་སྐུལ་དོ་དམ་བྱེད་སྐབས། ཡིག་ཐོག་སྙན་ཞུ་མ་ཞུས་པའི་བགྲོད་ལམ་གྱི་འགག་སྒོ་སྒྲོལ་བའི་ཡུལ་སྐོར་བ་ཞིག་གི་རྡོག་ཁྲེས་ཀྱི་བརྟག་དཔྱད་པར་རིས་ལ་རྒྱུན་གཏན་མིན་པ་དང་། ལྕགས་རིགས་རྩ་ཆེན་བླུགས་ཡོད་པ་འདྲ་བ་ཞིག་ཤེས་རྟོགས་བྱུང་བ་རེད། མུ་མཐུད་དུ་ཞིབ་བཤེར་བྱས་པ་བརྒྱུད། འགག་སྒོའི་ལས་བཟོ་བས་རྒྱབ་ཁུག་ནས་གསེར་གྱི་རྒྱན་ཆ་1དང་། དེའི་ལྗིད་ཚད་ལ་ཁེ300ཡོད་པ་རྩད་ཆོད། འགྲུལ་པའི་རྒྱབ་ཁུག་ནང་གི་འཛིན་ཤོག་ཐོག་ནས་མངོན་པར། རྒྱན་ཆ་དེའི་རིན་ཐང་མི་དམངས་ཤོག་སྒོར་ཁྲི་16ཙམ་ཟིན་གྱི་ཡོད་པ་རེད།
འགྲུལ་པ་རང་གིས་བཤད་པ་ལྟར་ན། ཕྱི་རྒྱལ་ནས་གོང་གསལ་གྱི་དངོས་རྫས་ཚབ་ཉོ་བྱས་པ་ནི་ཁེ་བཟང་འཐོབ་འདོད་པའི་ཆེད་དུ་ཡིན་པ་རེད།
འགག་སྒོའི་དྲན་སྐུལ།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གསེར་དངུལ་དོ་དམ་སྲོལ་ཡིག》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགག་སྒོའི་འགྲོ་འོང་འགྲུལ་པ་འགག་སྒོ་སྒྲོལ་རྒྱུའི་སྐོར་གྱི་གཏན་འབེབས》སོགས་ཀྱི་བླང་བྱ་གཞིར་བཟུང་། གསེར་དང་དེའི་ཐོན་རྫས་ནི་རྒྱལ་ཁབ་ནས་ཕྱིར་གཏོང་ནང་འདྲེན་ཚོད་འཛིན་བྱ་རྒྱུའི་དངོས་རྫས་ཀྱི་ཁོངས་སུ་གཏོགས་པས། འགྲུལ་པས་གསེར་དང་དེའི་ཐོན་རྫས་འཁྱེར་ཏེ་ཕྱིར་གཏོང་ནང་འདྲེན་བྱེད་སྐབས་ཁེ་50ལས་བརྒལ་ཚེ་འགག་སྒོ་ལས་ཁུངས་ལ་ཡིག་ཐོག་ནས་སྙན་སེང་ཞུ་དགོས་ཀྱི་ཡོད།
