ئىشنىڭ بېشى سەھەردىن دەپتىكەن، بىر ۋاق ئېسىل ناشتىلىق بىلەن يېڭى بىر كۈننى كۈتۈۋېلىش نېمىدېگەن بەختلىك ئىش-ھە!
ئەپسۇس، ئارمانغا چۇشلۇق دەرمان يوق دىگەندەك ھەر كۈنى ئورنىدىن تۇرالمايدىغان. ئىشقا ئالدىرايدىغانلارغا نىسبەتەن ئېيتقاندا، ئەتىگەندە ئازراق يەيدىغان نەرسە بولسىلا بولدى.
ئەمەلىيەتتە، ناشتا بىر كۈنلۈك پائالىيەتلىرىمىز ئىچىدە ئەڭ مۇھىم ئورۇندا تۇرىدۇ، ناشتىلىقنىڭ كۆپ خىل، ساغلام بولىشىغا چوقۇم كاپالەتلىك قىلىشىمىز كېرەك.
ساغلاملىقنى كۆزدە تۇتۇپ، تۆۋەندىكى بىر نەچچە خىل ناشتىلىقتىن يىراق تۇرۇشمۇ مۇھىم.
01
راك پەيدا قىلىدىغان 3 خىل ناشتىلىق
1. مايدا پىشۇرۇلغان يېمەكلىكلەر
مەززىلىك پىلتە قۇيماق، قۇيماق، غەربچە تېز تاماق نۇرغۇن كىشىلەرنىڭ ناشتىدىكى ئەڭ ياخشى تاللىشى. بۇ تۈردىكى يېمەكلىكلەرنى ئاندا-ساندا بىرەر قېتىم يەپ قويغاننىڭ زىيىنى يوق، بىراق كۈندە يىگەندە بەدەن بەرداشلىق بېرەلمەيدۇ.
مايلىق يېمەكلىكلەر ئۆت خالتىسىنى زەخىملەندۈرۈپ، جىگەر، بۆرەك مېتابولىزمىنىڭ يۈكىنى ئاشۇرۇپ، يۈرەك قان تومۇر كېسەللىكلىرىگە گىرىپتار بولۇش خەۋپىنى ئاشۇرۇۋېتىدۇ.
ئۇنىڭ ئۈستىگە يۇقىرى تېمپېراتۇرىدا مايدا پىشۇرغاندا، ئاقسىل ۋە ياغ ئاسانلا ئۆزگىرىپ، بېنزوپىرېن (بىر تۈرلۈك راك پەيدا قىلغۇچى ماددا) ، ئارىلاش ھالقىلىق ئامىن قاتارلىق زىيانلىق ماددىلارنى ھاسىل قىلىدۇ.
ئەسلىدە ئوزۇقلۇق قىممىتى يۇقىرى، ساغلام بولغان بەزى يېمەكلىكلەرنىڭ خۇسۇسىيتى ئۆزەىرىپ كىتىدۇ، مەسىلەن، تۇخۇم ماي قازاندا بىر قېتىم قاينىتىلسا، راك ھۈجەيرىلىرىنىڭ ياخشى ياردەمچىسى بولۇپ قالىدۇ.
نۇرغۇن كىشىلەر بۇنداق يېمەكلىكلەر بىلەن ناشتا قىلسا ئوزۇقلۇق قىممىتى بارلىقىنى ھېس قىلىدۇ، ئەمەلىيەتتە دەل بۇنىڭ ئەكسىچە.
2. ئۇماچ بىلەن تۇزلانغان سەي
ئاق ئۇماچقا تۇزلانغان سەي ماسلاشتۇرۇش نۇرغۇن ئائىلىلەرنىڭ ناشتا قىلىش ئۇسۇلىغا ماس كىلىدۇ.
ھالبۇكى، ئاق ئۇماچنىڭ ئاساسلىق تەركىبى كراخمال بولۇپ، ئوزۇقلۇق تەركىبى بىرلا خىل بولغاچقا، ئادەم بەدىنىنىڭ ئېھتىياجىنى قامدىيالمايدۇ، ئىلگىرى جاڭ ۋېنخۇڭ دوختۇر بۇ خىل ناشتىلىقنى ئىسمىنى ئاتاپ تەنقىد قىلغان.
بۇ خىل ماسلاشتۇرۇلغان ناشتىلىقنىڭ ئوزۇقلۇق قىممىتى بولماسلىقتىن سىرىت يەنە سالامەتلىككىمۇ زىيانلىق.
تۇزلانغان تەرخەمەك، چۈچۈمەل پۇرچاق، چۈچۈمەل تۇرۇپ، چىلىغان سەي قاتارلىق تۇزلانغان كۆكتاتلار تەركىبىدە تۇز مىقدارى يۇقىرى بولۇپ، ئاسانلا ئاشقازان شىللىق پەردىسىگە زىيان يەتكۈزىدۇ، يەنە تېخى بۆرەككىمۇ زىيان يەتكۈزىدۇ.
ئۇنىڭدىن باشقا، كۆكتات تەركىبىدە ئەسلىدىنلا نىترات كىسلاتا تۇزلىرى بار بولۇپ، تۇزلىغاندا ئوكسىدسىزلىنىپ نىترىت كىسلاتا تۇزلىرىغا ئايلىنىپ كېتىشى مۇمكىن.
نىترىتلار ئادەم بەدىنىگە كىرگەندىن كېيىن نىتروزامىنغا ئايلىنىدۇ. بۇ نىتروزامىن ئىنتايىن قالتىس رول ئوينايدۇ، ئۇ بىر تۈرلۈك راك پەيدا قىلغۇچى ماددىغا تەۋە بولۇپ، جىگەر راكى، ھەزىم قىلىش يولىدىكى يامان سۈپەتلىك ئۆسمىنىڭ قوزغىلىش خەۋپىنى ئاشۇرۇۋېتىدۇ، ھەرگىز سەل قاراشقا بولمايدۇ!
شۇڭا، ئەگەر ناشتىدا ئاق ئۇماچ ئىچىشكە ئادەتلەنگەن بولسا، چىلىغان سەي، تۇزلانغان سەي قاتارلىقلارنى يىمەسلىك ياكى بۇلارنىڭ ئورنىغا گۆش، تۇخۇم، يېڭى كۆكتاتنى ئالماشتۇرۇش كېرەك، بۇنداق قىلغاندا ھەم ئوزۇقلۇق قىممىتى يۇقىرى ھەم ساغلام بولىدۇ.
3. ناشتىدا ئېشىپ قالغان تاماقنى يىيىش
بەزىلەر كەچلىك تاماق ئىشىپ قالسا ئەتىسى ئەتىگەندە يېيىشكە ئېلىپ قويىدۇ، يەنە بەزىلەر سەھەر تۇرۇشقا ئېرىنىپ، ئەتىسىدىكى ناشتىلىقنى ئالدىن تەييارلاپ قويىدۇ.
بۇنداق قىلغاندا، ۋاقىت تىجەپ قالغىلى بولغان بىلەن بىراق سالامەتلىككە زىيانلىق.
مەسىلەن، يېشىل يوپۇرماقلىق كۆكتاتلارنى پۇشۇرۇپ 4 سائەتتىن ئارتۇق ساقلىسا نىترىتلار سۈركىلىپ ئۆرلەپ كېتىدۇ.
يەنە سوغۇق سەي، چالا پۇشۇرغان تۇخۇم، پۇرچاق ياسالمىلىرى، ياڭيۇ، دېڭىز مەھسۇلاتلىرى قاتارلىقلار بىر كېچە تۇرۇپ قالسا ئاسانلا بۇزۇلۇپ قالىدۇ، ئۇزۇن ۋاقىت مۇشۇنداق يېمەكلىكلەرنى يىگەندە يېمەكلىكتىن زەھەرلىنىشنى كەلتۈرۈپ چىقىرىدۇ.
بەلكىم بۇنى كۆرۈپ كۆپچىلىك ئۇنداقتا ناشتىنى زادى نېمە يىيىش كېرەك دەپ سورىشى مۇمكىن، بۈگۈن تەھرىر كۆپچىلىككە بىر نەچچە خىل ناشتىلىق ماسلاشتۇرۇش ئۇسۇلىنى تەۋسىيە قىلدۇ.
ئوخشاش بولمىغان كىشىلەر توپىنىڭ «ئەتىگەنلىك تاماقتا ئەڭ ياخشى يېيىش ئۇسۇلى» بار، تېز قاراڭ، سىز قايسىنى يىيىشكە ماس كېلىسىز؟
02
ئەڭ توغرا ھەم ساغلام ناشتىلىق ماسلاشتۇرۇش ئۇسۇلى
1. بالىلار، ياش-ئۆسمۈرلەر
بۇ ياش باسقۇچىدىكىلەر ئۆسۈپ يېتىلىشنىڭ يۇقىرى مەزگىلىدە تۇرۇۋاتقان بولغاچقا، ئاقسىل، كالتسىي، ۋىتامىن قاتارلىق ئوزۇقلۇق ماددىلارنى تولۇقلاشقا ئەھمىيەت بېرىش كېرەك.
[ماسلاشتۇرۇش تەكلىپى]
كۆكتات، گۆش، تۇخۇم، سۈت، يېڭى مېۋە
2. ياش خىزمەتچىلەر
ئىزچىل ئىشخانىدا ئولتۇرۇپ خىزمەت قىلسا، ئاسانلا بەدەندە ماي يىغىلىپ، قەۋزىيەت بولۇپ قالىدۇ. شۇڭا، بۇ خىلدىكى كىشىلەرنىڭ ئەتىگەنلىك تامىقىنىڭ مۇھىم نۇقتىسى ماي تەركىبى تۆۋەن، تالا تەركىبى يۇقىرى بولۇشتىن ئىبارەت.
[ماسلاشتۇرۇش تەكلىپى]
كالا سۈتى + بىر ئىككى تال بۇغداي ئۇنى بولكىسى + كۆكتات سالاتى
3. جىسمانىي ئەمگەك قىلىدىغانلار
كۆپ مىقداردا جىسمانىي كۈچ سەرپ قىلىش ئۈچۈن، بۇ خىلدىكى كىشىلەر ئەتىگەنلىك تاماقتا يېتەرلىك ئاقسىل ۋە كاربون سۇ بىرىكمىلىرىنى ئىستېمال قىلىشى، يەنە ئامالنىڭ بارىچە قورساقتا تۇرىدىغان يېمەكلىكلەرنى ئىستېمال قىلىشى كېرەك.
[ماسلاشتۇرۇش تەكلىپى]
گۈرۈچ / چۆپ + تۇخۇم + كۆكتات، مېۋە-چىۋە
4. ئوتتۇرا ياشلار
ئادەم ئوتتۇرا ياشقا بارغاندا، خىزمەت، ئائىلە قاتارلىق كۆپ تەرەپلەردىن ئۇچرايدىغان بېسىم ئاز ئەمەس، شۇڭا ئەتىگەنلىك تاماق يېتەرلىك ئېنېرگىيە بىلەن تەمىنلىشى كېرەك، لېكىن بۇ ياشتىمۇ« ئۈچ يۇقىرى» بولۇش قاتارلىق مەسىلىلەرگە دۇچ كېلىدۇ، شۇنىڭ بىلەن بىر ۋاقىتتا ئىسسىقلىق مىقدارى، ماي مىقدارى تۆۋەن بولۇشقا دىققەت قىلىش كېرەك.
[ماسلاشتۇرۇش تەكلىپى]
قېتىق + تاتلىق ياڭيۇ / كۆممىقوناق + كۆكتات
5. ياشانغانلار
ياشانغانلارنىڭ ھەزىم قىلىش ئىقتىدارى تۆۋەن بولغاچقا، ئاسان ھەزىم بولىدىغان ئىسسىق ۋە يۇمشاق يېمەكلىكلەرنى، مەسىلەن، كالا سۈتى، پۇرچاق سۈتى، ئۈگرە، چۆچۈرە، موما قاتارلىقلارنى ئىستېمال قىلىشى، بولۇپمۇ ئۇماچنى ئىستېمال قىلىشى كېرەك.
[ماسلاشتۇرۇش تەكلىپى]
نېلۇپەر ئۇرۇقى/ لۇڭيەن ئۇمىچى + كۆكتات + تۇخۇم
