薛凯琪（Fiona）、张继聪等早前分别接受导演陈德森节目《好心情》访问，曾5度患上抑鬱症的陈德森希望透过节目能够帮助“同路人”走出阴霾，Fiona直言初初收到导演邀约访谈的电话时，刚巧遇上自己的情绪低谷：“当时啱啱完成咗一个工作，拍咗4、5日左右，期间遇到一啲令我好Down嘅事情，令我觉得自己嘅情绪又向住坏嘅方向走，唔能够再跌落去，就同工作人员讲呢3日都唔好同我倾工作，因我要时间好好调整番自己嘅情绪，就系呢个时候，导演打畀我，我仲以为佢咁夜打畀我，系搵我拍戏，原来系做呢个节目，我即刻应承，应承咗之后，成个人开心番，冇再沉落去。”
陈德森为了令今次节目，跟过往同类的不一样，特别设计了由受访者讲童年，因童年对于一个人的影响很大亦很深远，令他好想从根源开始探讨问题，而Fiona亦相当配合，大爆自己的暴风往事：“我同爸爸、妈妈嘅感情系非常之好嘅，但以前佢哋两个好唔开心嘅时候，我真系唔识点去处理，试过有一次入厨房攞利器挟持爸爸，原因系佢身体唔好喺厅到呕咗成摊血都唔肯去医院，我好惊亦唔识点做，就攞咗利器出嚟同埋半只脚跨咗出窗外。”
虽然曾有如此偏激的往事，幸Fiona都能一一挨过，她直言自己现在已没有抑鬱症，亦有一套克服情绪低落的方法，如打坐、瑜伽等，她很希望透过自己的经历能勉励正受到该病困扰的朋友，走出阴霾。
