2024ལོའི་ཟླ་11ཚེས་24ཉིན་ཧྲའན་ཞི་ལན་ཀའོ་རྫོང་ཙོ་ལུང་གྲོང་རྡལ་ཧོང་ཞིན་གྲོང་ཚོར་ཕག་རྒོད་ཀྱིས་མི་བསད་པའི་དོན་རྐྱེན་ཞིག་ཐོན་པ་རེད། དེ་ཉིན། ལན་ཀའོ་རྫོང་གིས་ཕག་རྒོད་ཀྱིས་མི་བསད་པའི་དོན་རྐྱེན་སྐོར་གྱི་གནས་ཚུལ་གསལ་བཤད་ཁྱབ་བསྒྲགས་བྱས་ཤིང་། གསལ་བཤད་ནང་དུ་དོན་རྐྱེན་བྱུང་རྗེས་ས་གནས་དེ་གར་མཉམ་འབྲེལ་བརྟག་དཔྱད་ཚོ་ཆུང་བཙུགས་པ་དང་། ཞིབ་བཤེར་རགས་ཙམ་བྱས་པ་བརྒྱུད། ཉེ་དུས་ཕག་རྒོད་ཀྱིས་ལོ་ཏོག་ལ་གནོད་སྐྱོན་ཚབས་ཆེན་བཟོས་ཡོད་པས། ཟླ་11ཚེས་24ཉིན་གྱི་སྔ་དྲོར། ཁྲེན་ཆེ་གེ་མོ་སོགས་མི་བཞི་ཡིས་རྔོན་ཁྱི་ཁྲིད་ནས་རི་འགོར་ཕག་རྒོད་བདའ་རུ་བསྐྱོད་པ་ན་ཕག་རྒོད་དེ་ཁྱིམ་ཚང་ཞིག་གི་སྒོ་རའི་ནང་རྒྱུག་ནས་ཧུའུ་ཆེ་གེ་མོ(མོ། ལོ་76)ལ་འཇབ་རྒོལ་བྱས། རྫོང་སྨན་ཁང་120མྱུར་སྐྱོབ་ལྟེ་གནས་ཀྱིས་མྱུར་སྐྱོབ་བྱས་ཀྱང་ཕན་མ་ཐོགས་པར་ཧུའུ་ཆེ་གེ་མོ་ཚེ་ལས་འདས་ཡོད།
བརྡ་ཁྱབ་ནང་། མིག་སྔར་འདུམ་འགྲིག་གྲོས་མཐུན་བྱུང་ཡོད། དེ་དང་ཆབས་ཅིག་རྫོང་དེ་ཡོངས་སུ་ཕག་རྒོད་ཀྱི་གནོད་འཚེའི་གནས་ཚུལ་ལ་ལྟ་ཞིབ་ཚད་ལེན་བྱེད་ཤུགས་ཆེ་རུ་བཏང་བ་དང་། ཕག་རྒོད་ཁྱུ་ཚོགས་ལ་ཚོད་འཛིན་དང་གོ་རིམ་ལྡན་པའི་ངང་འཛིན་གསོད་སྒྲིག་འཛུགས་བྱས་པ། རི་སྐྱེས་སྲོག་ཆགས་འགོག་སྲུང་གི་རྒྱུན་ཤེས་དྲིལ་བསྒྲགས་ཤུགས་ཆེར་བྱས་པ་བཅས་བྱས་ནས། བདེ་འཇགས་ཀྱི་མངོན་མེད་རྐྱེན་ངན་མེད་པར་བཟོས་པ་དང་། གནོད་འཚེའི་གྱོང་གུན་ཉུང་དུ་བཏང་བ་བཅས་བྱས་ཡོད་པ་རེད།
