كەدەن مەكەمەسى 300 گرامدىق ۇلكەن التىن القانى قولعا ءتۇسىردى
جۋىردا داليانداعى جوۋشۇيزى اۋەجايىندا كەدەن قىزمەتكەرلەرى شەكارادان ۇشاق ارقىلى كىرگەن جولاۋشىلاردى باقىلاۋ – تەكسەرۋ بارىسىندا، ءوتىنىش بەرمەگەندەرگە ارنالعان جولمەن كەدەننەن وتكەن جولاۋشىنىڭ الىپ جۇرگەن جۇگىن ماشينادان وتكىزىپ تەكسەرگەن كەزدە قالىپسىزدىق بايقالىپ، قىزمەتكەرلەر التىننان جاسالعان قىمبات باعالى بۇيىمدى جاسىرعان بولۋى مۇمكىن دەپ قاراعان. ىشكەرىلەي تەكسەرۋ بارىسىندا، كەدەن قىزمەتكەرلەرى ول الىپ جۇرگەن سومكادان سالماعى 300 گرام كەلەتىن ءبىر دانا التىن اشەكەي بۇيىمدى بايقاعان. جولاۋشىنىڭ سومكاسىنداعى تالونعا قاراعاندا، بۇل اشەكەي بۇيىمنىڭ باعاسى حالىق اقشاسى بويىنشا شامامەن 160 مىڭ يۋان ەكەن.
جولاۋشىنىڭ ءوزىنىڭ ايتۋىنشا، ول بۇل بۇيىمدى ەل ىشىنە اكەلىپ ساتىپ پايدا تابۋ ماقساتىندا شەكارا سىرتىنان ساتىپ العان.
كەدەن مەكەمەسى مىنانى ەسكەرتەدى
«جۇڭحۋا حالىق رەسپۋبليكاسىنىڭ التىن، كۇمىستى باسقارۋ ەرەجەسى» مەن «جۇڭحۋا حالىق رەسپۋبليكاسى كەدەن مەكەمەسىنىڭ شەكارادان كىرىپ – شىققان جولاۋشىلاردى كەدەننەن وتكىزۋ جونىندەگى بەلگىلەمەسى» قاتارلىلارداعى تالاپتارعا ساي، التىن نەمەسە ودان جاسالعان بۇيىمدار مەملەكەت شەكارادان كىرگىزۋگە نەمەسە شىعارۋعا شەكتەۋ سالاتىن زاتتارعا جاتادى، جولاۋشىلار التىن نەمەسە ودان جاسالعان بۇيىمداردى الىپ شەكارادان كىرسە نەمەسە شىقسا، الىپ جۇرگەن التىننىڭ سالماعى 50 گرامنان اسقان جاعدايدا، كەدەن مەكەمەسىنە قاعاز جۇزىندە ءوتىنىش تاپسىرۋى كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
