བོད་རང་སྐྱོང་ལྗོངས་རིག་གནས་དང་ཡུལ་སྐོར་ཐིང་གི་སྤྱི་བསྒྲགས།
ཡུལ་སྐོར་མཛེས་ལྗོངས་ཁུལ་གྱི་དོ་དམ་ལ་ཤུགས་སྣོན་རྒྱག་པ་དང་། ཡུལ་སྐོར་མཛེས་ལྗོངས་ཁུལ་གྱི་སྤུས་ཚད་ལེགས་སུ་གཏོང་བ། ཡུལ་སྐོར་གྱི་འཛད་སྤྱོད་ཁོར་ཡུག་ལེགས་སུ་གཏོང་བ་བཅས་བྱ་ཆེད། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་ཀྱི་ཚད་གཞི《ཡུལ་སྐོར་མཛེས་ལྗོངས་ཁུལ་གྱི་སྤུས་ཚད་རིམ་པ་འབྱེད་ཐབས་དང་དཔྱད་བསྡུར་གཏན་འབེབས》（GB/T17775-2003）དང《ཡུལ་སྐོར་མཛེས་ལྗོངས་ཁུལ་གྱི་སྤུས་ཚད་རིམ་པའི་དོ་དམ་བྱ་ཐབས》 2024ལོའི་ལོ་འཁོར་གྱི་བོད་རང་སྐྱོང་ལྗོངས་ཀྱི་Aརིམ་པའི་ཡུལ་སྐོར་མཛེས་ལྗོངས་ཁུལ་གྱི་བསྐྱར་ཞིབ་བྱས་འབྲས་བཅས་གཞིར་བཟུང་། བོད་རང་སྐྱོང་ལྗོངས་རིག་གནས་དང་ཡུལ་སྐོར་ཐིང་གིས་བསྐྱར་ཞིབ་ཀྱི་ཚད་གཞི་དང་ཧེ་བག་ཧ་ཅང་ཆེན་པོ་ལྡན་པའམ་ཡང་ན་གནད་དོན་ཚབས་ཆེན་ཡོད་པའི་ཡུལ་སྐོར་མཛེས་ལྗོངས་ཁུལ་4ལ་ཐག་གཅོད་བྱ་རྒྱུ་གཤམ་གསལ།
（གཅིག）སྨན་གླིང་གྲོང་ཁྱེར་གནས་ཡུལ་ཕུ་མཛེས་ལྗོངས་ཁུལ་དང་རིན་སྤུངས་རྫོང་རྫོང་དཀར་ཡར་ཆབ་སྦས་ཡུལ་སྐྱེ་ཁམས་སྤྲོ་སྐྱིད་གླིང་མཛེས་ལྗོངས་ཁུལ་ལ་ཡུལ་སྐོར་མཛེས་ལྗོངས་ཁུལ་གྱི་སྤུས་ཚད་རིམ་པ་མེད་པ་བཟོ་རྒྱུ་ཡིན།
（གཉིས）པ་སྣམ་རྫོང་ཇོ་མོ་གླང་མའི་དེང་རབས་ཞིང་ལས་ཚན་རྩལ་གསར་གཏོད་དངོས་མང་སྟོན་ཚོགས་གླིང་མཛེས་ལྗོངས་ཁུལ་དང་རྒྱལ་རྩེ་རྫོང་མཁའ་རེག་ལ་འཁྱགས་རོམ་མཛེས་ལྗོངས་ཁུལ་ལ་བརྡ་ཁྱབ་སྐྱོན་བརྗོད་དང་དག་ཐེར་བྱེད་དགོས་པའི་ཐག་གཅོད་བྱས་པ་དང་དུས་བཀག་ཟླ་བ་དྲུག་ཡིན།
ཆེད་དུ་སྤྱི་བསྒྲགས་འདི་སྤེལ།
བོད་རང་སྐྱོང་ལྗོངས་རིག་གནས་དང་ཡུལ་སྐོར་ཐིང་ནས།
2024ལོའི་ཟླ་11ཚེས་20ཉིན།
