سىرتقى ىستەر مينيسترلىگىنىڭ مالىمدەمەشىسى ا ق ش جاقتىڭ ەسىرتكىگە تيىم سالۋ ماسەلەسىنە قاتىستى ءسوزى تۋرالى ءتىلشىنىڭ سۇراۋىنا جاۋاپ قايتاردى
سۇراۋ: ا ق ش – نىڭ كەزەكتە سايلانعان زۇڭتۇڭى ترامپ الەۋمەتتىك جەلىدە: ”جۇڭگو جاقپەن فەنتانيل قاتارلى ەسىرتكىگە قاتىستى ماسەلەلەر جونىندە كەلىسىم جۇرگىزۋدە ەشقانداي ىلگەرىلەۋشىلىك بولمادى. كوپ مولشەردەگى ەسىرتكى ا ق ش – نا قاراي اعىلعاندىقتان، ا ق ش جاق جۇڭگودان يمپورت ەتىلەتىن بارلىق تاۋارلارعا %10 تىك كەدەن باجىسىن ۇستەمەلەيدى“ دەگەن. جۇڭگو جاق بۇعان قانداي پىكىر بىلدىرەدى؟
جاۋاپ: جۇڭگو — دۇنيە ءجۇزى بويىنشا ەسىرتكىگە تيىم سالۋ ساياساتى ەڭ قاتاڭ، ساياساتتى ەڭ تۇبەگەيلى اتقاراتىن مەملەكەتتەردىڭ ءبىرى. فەنتانيل — ا ق ش – نىڭ ماسەلەسى. ادامگەرشىلىك تۇرعىسىنان، جۇڭگو ا ق ش – نىڭ فەنتانيل ماسەلەسىنە توتەپ بەرۋىنە قولداۋ بىلدىرگەن. 2019 – جىلى جۇڭگو فەنتانيل تۇرىندەگى زاتتاردى بۇكىلدەي شەكتەۋ كولەمىنە ەنگىزگەن، ەلىمىز دۇنيە ءجۇزى بويىنشا فەنتانيل تەكتەس زاتتاردى بۇكىلدەي شەكتەۋ كولەمىنە رەسمي ەنگىزگەن تۇڭعىش مەملەكەت. جۇڭگو جاقتىڭ ا ق ش جاقپەن ەسىرتكىگە تيىم سالۋ جاعىندا كەڭ كولەمدى، ىشكەرىلەي سەلبەستىك ورىستەتكەنى ءارى كورنەكتى ونىمدىلىككە قول جەتكىزگەنى جۇرتقا ءمالىم.
جۇڭگو جاق تەڭدىك، ءوزارا تيىمدىلىك جاساۋ، ءبىر – بىرىنە قۇرمەت ەتۋ نەگىزىندە، ا ق ش جاقپەن ەسىرتكىگە تيىم سالۋ سالاسىندا جالعاستى سەلبەسۋدى قالايدى. ا ق ش جاقتىڭ جۇڭگونىڭ جاقسى نيەتىن قادىرلەگەنى، جۇڭگو مەن ا ق ش – نىڭ ەسىرتكىگە تيىم سالۋ جاعىنداعى سەلبەستىگىندەگى وڭايلىقپەن قولعا كەلمەگەن تاماشا جاعدايدى قورعاعانى ءجون.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
