ཉེ་ཆར་ལའེ་ཆིང་ཏེས་མ་འོངས་ལོ་7ནང་། ཏུན་1000ཡན་གྱི་དམག་གྲུ་ཆེ་གྲས་11ལེགས་སྒྲུབ་བྱ་རྒྱུ་ཡིན་ཞེས་དང་། ད་དུང“རྒྱལ་ཁོངས་དང་མཚོ་ཁོངས”ཟེར་བ་དེ་སྲུང་སྐྱོང་བྱེད་པའི་སྔར་བས་ཡིད་ཆེས་ཡོད་ཅེས་བཤད་པ་རེད། ཀྲུའུ་ཧྥེང་ལན་གྱིས་ཐའེ་ཝན་ནི་ཀྲུང་གོའི་ཆ་ཤས་ཤིག་ཡིན་པ་ལས“རྒྱལ་ཁོངས་དང་མཚོ་ཁོངས”ཟེར་བ་མེད་ཅེས་བསྟན་པ་རེད།
རྒྱལ་སྲིད་སྤྱི་ཁྱབ་ཁང་ཐའེ་ཝན་གཞུང་དོན་ཁང་གི་གསར་འགྱུར་མགྲིན་ཚབ་པ་ཀྲུའུ་ཧྥེང་ལན་གྱིས་བསྟན་དོན། “ལའེ་ཆིང་ཏེ་དབང་འཛིན་ལས་ཁུངས་ཀྱིས་ཕྱི་ཕྱོགས་སྟོབས་ཤུགས་དང་ངན་འབྲེལ་བྱས་ནས་རྒྱུན་ཆད་མེད་པར་འཁྲུག་རྐྱེན་སློང་བ་དེ་ནི་ཐའེ་ཝན་མཚོ་འགག་གི་ཞི་བདེ་བརྟན་ལྷིང་གི་འཇིགས་སྐུལ་ཆེ་ཤོས་དང་། ཐའེ་ཝན་དེ་དམག་འཁྲུག་གི་ཉེན་ཁའི་ཟང་ཟིང་གི་གནས་སུ་ལྷུངས་བའི་འབྱུང་རྩ་ཆེ་ཤོས་རེད། ལའེ་ཆིང་ཏེ་དབང་འཛིན་ལས་ཁུངས་ཀྱིས་“དྲག་ཤུགས་ལ་བརྟེན་ནས་རང་བཙན་འཐོབ་ཐབས་”ཀྱི་རེ་ངན་བཅངས་པ་དེ་ནི་གྲོག་མས་སྡོང་རྒན་སྒུལ་བ་དང་རང་ཚོད་མ་ཟིན་པའི་རྟགས་ཡིན་པས། མཇུག་མཐར་འཆི་ལམ་དུ་འགྲོ་རྒྱུ་མིན་མེད། ཁོང་ཚོས“དམག་རྒྱག་གྲ་སྒྲིག་དང་རང་བཙན་དོན་གཉེར”ཞེས་པའི་ཐད་མ་དངུལ་ཇི་ཙམ་མང་བ་བཏང་ཚེ། ཐའེ་ཝན་མི་སེར་གྱི་དམངས་འཚོར་ལྟ་རྟོག་དེ་ཙམ་གྱིས་ཉུང་བར་འགྱུར་བ་དང་མཐར་ཐའེ་ཝན་ལ་བཟོས་པའི་གནོད་འཚེའང་དེ་ཙམ་གྱིས་ཆེ་བར་འགྱུར་ངེས། ”
