སི་རི་ཡའི་ད་ལྟའི་སྲིད་དབང་མགོ་རྟིང་སློག སྲིད་འཛིན་བྲོས།
དམིགས་བསལ་གལ་ཆེན་གསར་འགྱུར།
2024.12.8 གཟའ་ཉི་མ།
སི་རི་ཡའི་གྱེན་ལོག་དམག་དཔུང་གིས། ཧོམ་སི་གྲོང་ཁྱེར་བརྒྱ་ཆ་ཕལ་ཆེ་བ་བཟུང་ཟིན་པའི་སྟེང་། ད་ལྟ་ལྷོ་བྱང་གཉིས་ནས་རྒྱལ་ས་རྡ་མ་ས་ཁོའི་ནང་དུ་འཛུལ་འགོ་བཙུག འབྲེལ་ཡོད་དམག་དོན་ལས་བྱེད་ཀྱིས། དབྱིན་ཇིའི་རོའུ་ཀྲར་གསར་ཁང་ལ། སྲིད་འཛིན་བྷ་ཤར་ཨལ་ས་རྡིའི་སྲིད་དབང་མཇུག་བསྡུས་སོང་ཞེས་བཤད།
ཨལ་ས་རྡི་དེ་རིང་རྒྱལ་ས་ནས་བྲོས་ཟིན་པའང་དམག་སྤྱི་གཉིས་ཀྱིས་རོའུ་ཀྲར་གསར་ཁང་ལ་བཤད། འབྲོ་ཡུལ་གང་ཡིན་རེ་ཞིག་མི་གསལ། ཁོའི་ནང་མི་བདུན་ཕྲག་སྔོན་མར་ཨུ་རུ་སུའི་རྒྱལ་ས་མོ་སི་ཁོར་བསྐྱལ་ཟིན་པའི་གནས་ཚུལ་ཞིག་ཐོན་ཟིན། དེ་བཞིན་སི་རི་ཡར་ཡོད་པའི་ཨུ་རུ་སུའི་མཁའ་དམག་གི་བསྟི་གནས་ཉེན་ཁའི་ནང་ལྷུང་ཟིན་པ་ཨུ་རུ་སུ་རང་གིས་བཤད་འགོ་བཙུག
ཨ་རིའི་འདེམས་ཐོན་སྲིད་འཛིན་སྒྲོ་ནལ•ཁྲི་རམ་ཕུས། ལོ་མང་པོར་ཨལ་ས་རྡི་སྲུང་སྐྱོབ་བྱེད་མཁན། ཨུ་རུ་སུ་ད་ལྟ་ཡུག་རེན་དུ་བཀྱིག་ཡོད་པ་དང་། དེར་ཁོ་ཚོའི་འབུམ་དམག་ 6 བརླགས་ཟིན་པས་ཐེངས་འདིར་ཨལ་ས་རྡི་སྐྱོབ་མ་ཐུབ། ཨ་རི•སི་རི་ཡའི་དམག་འཁྲུག་འདིའི་ནང་ལ་ཚུད་མི་རུང་བ་སོགས་བཤད།
