جېجياڭدىن ئۆزبېكىستانغا بىۋاسىتە ئۇچىدىغان تۇنجى ئاۋىياتسىيە لىنىيەسى ئېچىلدى
مەنبە: خەلق تورى
خەلق تورى ئۇيغۇرچە قانىلىنىڭ 11-ئاينىڭ 19-كۈنى بېيجىڭدىن بەرگەن تېلېگراممىسى: 11-ئاينىڭ 17-كۈبى، خاڭجوۋ شياۋشەن خەلقئارا ئايرودرومىدىن ئۆزبېكىستاننىڭ پايتەختى تاشكەنتكە قاتنايدىغان يولۇچىلار لىنىيەسى يېڭىدىن كۆپەيتىلدى. بۇ جېجياڭدىن ئۆزبېكىستانغا بىۋاسىتە ئۇچىدىغان تۇنجى ئاۋىياتسىيە لىنىيەسى، شۇنداقلا خاڭجوۋدىن ئالمۇتاغا بىۋاسىتە ئۇچۇش لىنىيەسىدىن كېيىن، خاڭجوۋ ئايرودرومى ئاچقان ئوتتۇرا ئاسىياغا قاتنايدىغان ئىككىنچى يولۇچىلار ئاۋىياتسىيە لىنىيەسى ھېسابلىنىدۇ.
نۆۋەتتە، جۇڭگو پۇقرالىرى ئۆزبېكىستانغا بېرىپ ۋىزىسىز 10 كۈن تۇرسا بولىدۇ. بۇ قېتىم ئېچىلغان خاڭجوۋ بىلەن تاشكەنت ئارىسىدا قاتنايدىغان ئاۋىياتسىيە لىنىيەسىدە ئۆزبېكىستان ئاۋىياتسىيە شىركىتى ئۇچىدۇ، ھەر ھەپتىدە بىر نۆۋەت ئۇچىدۇ. كېلىدىغان نۆۋەتچى ئايروپىلان HY503 بولۇپ، شۇ يەر ۋاقتى ھەر يەكشەنبە كۈنى سائەت 12:40 تا ئۇچۇش پىلانلاندى، بېيجىڭ ۋاقتى سائەت 22 دە خاڭجوۋغا قونىدۇ؛ بارىدىغان نۆۋەتچى ئايروپىلان HY504 بولۇپ، بېيجىڭ ۋاقتى ھەر يەكشەنبە كۈنى سائەت 23:30دا خاڭجوۋدىن ئۇچۇش پىلانلاندى، شۇ جاي ۋاقتى ئىككىنچى كۈنى سائەت 4:10 دا تاشكەنتكە قونىدۇ.
تاشكەنتكە بېرىپ-كېلىش ئاۋىياتسىيە لىنىيەسىنىڭ ئېچىلىشىغا ئەگىشىپ، خاڭجوۋ ئايرودرۇمىنىڭ خەلقئارا ۋە رايونلاردىكى قاتناش نۇقتىسى 36 گە كۆپىيىپ، تۆت قىتئەدىكى 21 دۆلەتنى قاپلىدى.
بېكىتكۈچى: مىجىت ئابلا
مەنبە: خەلق تورى
مەسئۇل مۇھەررىر : ئالىم راخمان
بۇ مەزمۇن يارىغان بولسا، كۆپلەپ تارقىتىپ قويغايسىز
تۆۋەندىكى مەزمۇنلارمۇ ئىنتايىن سەرخىل
◇ ئاچارچىلىقنى قورال قىلىشقا بولمايدۇ
◇ ئالمىرە دۇنيا ياشلار بوكس لەۋھە مۇسابىقىسىدە چېمپىيون بولدى
◇ دىققەت! شىنجاڭدا بۇ قىشلىق ھەرىكەت باشلاندى
خەيرلىك كەچ سەھىپىسى
◇ خەيرلىك كەچ: باشقىلارنىڭ باھاسى بىلەن خۇدىڭىزنى يوقىتىپ قويماڭ
◇ بارلىق خوشلىشىش ھەش-پەش دېگىچىلا يۈز بېرىدۇ
◇ خەيرلىك كەچ: ئەڭ ئۇزاق داۋاملىشىدىغان ھېسسىيات قانداق بولىدۇ؟
