بىرلەشكەن دۆلەتلەر تەشكىلاتى ئەمەلدارى: ھېچقانداق ئاپپارات يېقىن شەرق قۇتقۇزۇش-ياردەم بېرىش ۋە قۇرۇلۇش باشقارمىسىنىڭ رولىنى ئالالمايدۇ
شۇ جاي ۋاقتى 11-ئاينىڭ 3-كۈنى، بىرلەشكەن دۆلەتلەر تەشكىلاتىنىڭ يېقىن شەرق پەلەستىن مۇساپىرلىرىنى قۇتقۇزۇش-ياردەم بېرىش ۋە قۇرۇلۇش باشقارمىسى (يېقىن شەرق قۇتقۇزۇش-ياردەم بېرىش ۋە قۇرۇلۇش باشقارمىسى)نىڭ مۇدىرى فىلىپ رازالىن ئىجتىمائىي ئالاقە تاراتقۇسىدا ماقالە ئېلان قىلىپ مۇنداق بىلدۈردى: بۇلتۇر 10-ئايغا قەدەر، يېقىن شەرق قۇتقۇزۇش-ياردەم بېرىش ۋە قۇرۇلۇش باشقارمىسى غەززە رايونىدىكى 300 مىڭدىن ئارتۇق بالىنى مائارىپ بىلەن تەمىنلىدى، بۇ شۇ جايدىكى ئوقۇۋاتقان بالىلار ئومۇمىي سانىنىڭ يېرىمىنى ئىگىلىدى، «بۇ بالىلارنىڭ ئۇدا ئىككى يىل ئوقۇيدىغان مەكتىپى بولمىدى». ئىيوردانىيە دەرياسىنىڭ غەربىي قىرغىقىدا، يەنە تەخمىنەن 50 مىڭ بالا يېقىن شەرق قۇتقۇزۇش-ياردەم بېرىش ۋە قۇرۇلۇش باشقارمىسى قارىمىقىدىكى مەكتەپتە ئوقۇيدۇ.
رازالىن مۇنداق كۆرسەتتى: نۆۋەتتە ھېچقانداق ئاپپارات يېقىن شەرق قۇتقۇزۇش-ياردەم بېرىش ۋە قۇرۇلۇش باشقارمىسىنىڭ رولىنى ئالالمايدۇ. يېقىن شەرق قۇتقۇزۇش-ياردەم بېرىش ۋە قۇرۇلۇش باشقارمىسىنىڭ بىكار قىلىنىشى پەلەستىنلىك بالىلارنى كەلگۈسىدە مائارىپنى قوبۇل قىلىش ھوقۇقىدىن مەھرۇم قىلىدۇ. مائارىپ كەمچىل بولسا، بۇ بالىلار ئۈمىدسىزلىك، نامراتلىق ۋە ئەسەبىيلىككە پېتىپ قالىدۇ؛ تەربىيە كەمچىل بولسا، بۇ بالىلار قوراللىق تەشكىلاتلارنىڭ پايدىلىنىش نىشانىغا ئايلىنىپ قالىدۇ. مائارىپ كەمچىل بولسا، رايون بىخەتەرلىكىنىڭ مۇقىملىقىنى ساقلاش تەسكە توختايدۇ.
رازالىن مۇنداق بىلدۈردى: ئەگەر يېقىن شەرق قۇتقۇزۇش-ياردەم بېرىش ۋە قۇرۇلۇش باشقارمىسى بىكار قىلىنسا، نەچچە مىليون ئاممىنىڭ ھاياتى خەۋپ ئىچىدە قالىدۇ. ئىسرائىلىيە دائىرىلىرى يېقىن شەرق قۇتقۇزۇش-ياردەم بېرىش ۋە قۇرۇلۇش باشقارمىسىنىڭ ئالاقىدار پائالىيەتلەرنى قانات يايدۇرۇشىنى چەكلەپ، بۇ ئاپپاراتنىڭ ئورنىنى ئالىدىغان چارىنى تېپىپ چىقىشقا ئۇرۇنغاندىن كۆرە، ھەقىقىي قىزىق نۇقتىنى پەلەستىن-ئىسرائىلىيە توقۇنۇشىنى ئاخىرلاشتۇرىدىغان ئۇرۇش توختىتىش كېلىشىمى ھاسىل قىلىشقا قويغان ياخشى، «مانا بۇ غەززەدىكى نەچچە يۈز مىڭ بالىنى مەكتەپكە قايتۇرۇپ كېلىشنىڭ بىردىنبىر ئۇسۇلى».
مەنبە: خەلق تورى
بېكىتكۈچى: مىجىت ئابلا، ئابلىمىت بارى
مۇھەررىر : مەلىكەم مەمەت
ئىلگىرىكى خەۋەرلەر:
شەخسىي ئىستېمالچىلار ئەڭ يۇقىرى بولغاندا 650 يۈەن ئالالايدۇ
ئۈرۈمچى شەھىرى بىر تۈركۈم كادىرلارنى ۋەزىپىگە تەيىنلىدى
جۇڭگو تەرەپ ئامېرىكا تەرەپ بىلەن كەسكىن سۆزلەشتى
ئىككىدىن بىرنى تاللاش قاتارلىق قىلمىشلار قاتتىق چەكلىنىدۇ
ھەرقانداق ھەربىي تەۋەككۈلچىلىك مەسئۇلىيەتسىزلىكتۇر
خې ۋېنجۇڭ قانۇن بويىچە قولغا ئېلىندى
جەمئىي 16 مىليارد 60 مىليون يۈەن قايتۇرۇۋېلىندى
مەركەزنىڭ نازارەت قىلىش خىزمىتى باشلاندى
شىخەنزە داشۆسى قارىمىقىدىكى 1-دوختۇرخانىنىڭ باشلىقى تەكشۈرۈلدى
فىلىپپىننىڭ كېمىسى جۇڭگونىڭ پاراخوتى بىلەن سوقۇلۇپ كەتتىمۇ؟
ئەڭ يۇقىرى بولغاندا تۆلەپ تۇرۇش چېكى 500 مىڭ يۈەن بولىدۇ
