更多爆料关注↑↑↑
马志威首拍无线剧就有幸伙拍两大视后林夏薇和杨茜尧，兼且艷福无边和剧中无数女演员有激情戏，不过「攞尽福利」背后，饰演「渣男世一」的他却要承受被问候「几时死」及嘲讽「好样衰」，可是他认为愈闹得劲就愈代表自己成功。
39岁的马志威（Edward）在无线台庆剧《黑色月光》被委派饰演「富三代渣男」蒋基俊，性格嚣张跋扈，坏事做尽，且到处留情。日前他接受专访时，直认角色属「Crazy中的变态」：「锺意叉人颈，仲好擒得人，同多到数唔到嘅女演员有激情戏，数量简直系我拍咁多年戏嘅总和，不过都系『蒋基俊』个角色，唔系马志威本人。」
剧中他是最多情欲戏的男演员，但现实中却绝不享受，皆因会拍到「好攰」，兼且极尴尬，他说：「一啲都唔Enjoy嘅，又要就镜头，拍呢啲戏唔可以乱嚟，要尊重女仔，所以事前要沟通好，同对手讲明会掂到边度同点咀法，好在冇人投诉过我咸猪手或咸猪嘴，多谢啲女演员咁信任我。」
由于剧集在内地率先播，因角色太乞人憎，曾有网民在网上留言问他「几时死呀你，喺第几集死呀？」，他闻言哈哈笑说：「我真系就快死，因为好多宣傅，真系攰到死，虽然我唔可以剧透，但个角色都差唔多去到最尾嘅。」
又有网民赞他角色很突出，在前10集戏份比男主角王浩信更多？他急忙澄清拍剧是演员之间的互相配合，不能比较戏份多少，感恩和王浩信成为朋友：「今次拍剧赚到友谊，因为成班人围埋成两个几月，日日见成14小时以上，成日一齐玩一齐倾偈，浩信个人仲系好过瘾嘅。」
Edward除在内地《三十而已》饰演「出轨男」外，以往的形象及角色都属「正气男」，他多谢《黑》剧监制感觉他似「蒋基俊」，而他亦凭感觉去演活角色，已做好随时当街被臭骂的准备。
他说：「我唔怕畀人闹，反而有少少觉得愈闹愈开心，证明我成功塑造咗个乞人憎角色出嚟，对演员嚟讲，付出咗努力而得到认同系开心。（系咪恨攞奖？）有就开心嘅，但我出发点系演好每个角色。」扬言不介意继续做反派的他，抗压能力高强，对网民抨击他样衰亦不介意，他直认：「咁我系唔靓仔喎，会尊重每个人嘅审美眼光。」
至于和杨茜尧、林夏薇合作，他大赞两位视后好戏又「零阿姐架子」，他说：「佢哋同戏入面反差好大，阿薇真人好得意、好可爱，阿怡（杨茜尧）就好Man，我哋叫佢『怡哥』，系好爽直嘅女人。」
