ཕྱི་འབྲེལ་པུའི་མགྲིན་ཚབ་པས། ཨ་རི་ཕྱོགས་ཀྱི་དུག་འགོག་དང་འབྲེལ་བ་ཡོད་པའི་གནད་དོན་ཐད་གསར་འགོད་པའི་དྲི་བར་ལན་བསྐྱོན་པ།
དྲི་བ། བདམས་ཐོན་བྱུང་བའི་ཨ་རིའི་ཙུང་ཐུང་ཐེ་རོན་ཕུས་སྤྱི་ཚོགས་འབྲེལ་བའི་སྨྱན་སྦྱོར་ཐོག ཀྲུང་གོ་ཕྱོགས་དང་ཧྥིན་ཐེ་ཉི་སོགས་ཀྱི་དུག་རྫས་གནད་དོན་ཐད་གྲོས་མོལ་བྱས་ཡོད། འོན་ཀྱང་། འཕེལ་རྒྱས་གང་ཡང་བྱུང་མེད་བརྗོད། དུག་རྫས་འབོར་ཆེན་ཨ་རིར་ཡོང་བས། ཨ་རིས་ཀྲུང་གོ་ནས་ནང་འདྲེན་བྱས་པའི་ཚོང་ཟོག་ཚང་མར་སྒོ་ཁྲལ་བརྒྱ་ཆ་10སྣོན་བསྡུ་བྱ་རྒྱུ་རེད། ཀྲུང་གོ་ཕྱོགས་ཀྱིས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ་ཞེས་དྲིས།
ལན། ཀྲུང་གོ་ནི་འཛམ་གླིང་དུ་དུག་འགོག་སྲིད་ཇུས་ཆེས་གཟབ་ནན་དང་ལག་བསྟར་ཆེས་མཐའ་འཁྱོལ་བའི་རྒྱལ་ཁབ་ཅིག་ཡིན། ཧྥིན་ཐེ་ཉི་ནི་ཨ་རིའི་གནད་དོན་རེད། མི་ཆོས་རིང་ལུགས་ཀྱི་སྙིང་སྟོབས་ཐོག་ནས་ཨ་རིས་ཧྥིན་ཐེ་ཉི་རིགས་ཀྱི་གནད་དོན་ལ་ཁ་གཏད་གཅོག་རྒྱུར་ཀྲུང་གོས་རྒྱབ་སྐྱོར་བྱས་ཡོད། 2019ལོར། ཀྲུང་གོས་ཧྥིན་ཐེ་ཉི་རིགས་ཀྱི་དངོས་པོར་དངོས་སུ་དོ་དམ་བྱ་རྒྱུའི་ཁྱབ་བསྒྲགས་བྱས་ཡོད། དེ་ནི་གོ་ལ་ཧྲིལ་པོར་ཧྥིན་ཐེ་ཉི་རིགས་ཀྱི་དངོས་པོར་དོ་དམ་བྱེད་མཁན་རྒྱལ་ཁབ་དང་པོ་དེ་ཡིན་པ་རེད། ཀྲུང་གོ་ཕྱོགས་ཀྱིས་ཨ་རི་ཕྱོགས་དང་དུག་འགོག་མཉམ་ལས་རྒྱ་ཁྱབ་གཏིང་ཟབ་བྱས་པ་མ་ཟད་གྲུབ་འབྲས་ཀྱང་མངོན་གསལ་དོད་པོ་ཐོབ་པ་དེ་ནི་མིག་ལྡན་ཀུན་གྱིས་མཐོང་གསལ་ཞིག་རེད།
ཀྲུང་གོ་ཕྱོགས་ཀྱིས་འདྲ་མཉམ་གཉིས་ཕན་དང་ཕན་ཚུན་བརྩི་འཇོག་གི་རྨང་གཞིའི་ཐོག མུ་མཐུད་ཨ་རི་ཕྱོགས་དང་མཉམ་དུ་དུག་འགོག་མཉམ་ལས་བྱེད་འདོད་ཡོད། ཨ་རི་ཕྱོགས་ཀྱིས་ཀྲུང་གོ་ཕྱོགས་ཀྱི་སེམས་བཟང་ལ་གཅེས་སྤྲས་དང་ཀྲུང་ཨའི་དུག་འགོག་མཉམ་ལས་འཐོབ་དཀའ་བའི་རྣམ་པ་བཟང་པོ་འདི་ལ་སྲུང་སྐྱོང་བྱེད་དགོས།
