ཉེ་ཆར། ཀྲུང་གོའི་སྤྱི་བདེ་པུའུ་དང་ཨ་རིའི་རྒྱལ་ཁབ་ས་ཆ་བདེ་འཇགས་པུའི་འབྲེལ་ཡོད་ཁྲིམས་འཛིན་སྡེ་ཁག་གིས་རྒྱལ་སྒྲོལ་གློག་འཕྲིན་དྲ་རྒྱའི་ཁ་བསླུས་ཀྱི་གྱོད་གཞི་ཞིག་མཉམ་འབྲེལ་ཐོག་ཐག་གཅོད་དེ། ཀྲེ་ཅང་གི་ཁེ་ལས་ཤིག་དང་དེ་བཞིན་ཨ་རི་ཕྱོགས་ཀྱི་མཉམ་ལས་རོགས་ཟླར་ཁ་བསླུས་ཐེབས་པའི་མ་དངུལ་ཨ་སྒོར་ཁྲི་170ལྷག་ཙམ་ལེན་རོགས་བྱས་ནས། འབྲེལ་ཡོད་ཁེ་ལས་ཀྱི་ཁྲིམས་མཐུན་ཁེ་དབང་སྲུང་སྐྱོང་ནུས་ལྡན་བྱས་པ་རེད། ཉེ་ལམ། ཀྲུང་གོ་དང་ཨ་རི་རྒྱལ་ཁབ་གཉིས་པོའི་ཁྲིམས་འཛིན་སྡེ་ཁག་གིས་གྱོད་གཞིར་མྱུལ་ཞིབ་བྱེད་པའི་ལས་དོན་ལ་སྐུལ་འདེད་ཧུར་ཐག་གཏོང་བཞིན་ཡོད་པ་རེད།
ད་ལྟ། རྒྱལ་སྒྲོལ་གློག་འཕྲིན་དྲ་རྒྱའི་ཁ་བསླུས་ཀྱི་ཉེས་གསོག་མགྱོགས་མྱུར་འཕེལ་རྒྱས་འགྲོ་བ་དེ་འཛམ་གླིང་རྒྱལ་ཁབ་ཁག་གི་ཁྲིམས་འཛིན་སྡེ་ཁག་ལ་ཐུན་མོང་ཐོག་འཕྲད་པའི་དཀའ་གནད་ཅིག་ཏུ་གྱུར་ཡོད། ཀྲུང་གོའི་སྤྱི་བདེ་ལས་ཁུངས་ཀྱིས་ཐོག་མཐའ་བར་གསུམ་དུ་ཁྲིམས་ལྟར་རྡུང་རྡེག་ཚ་ནན་གཏོང་རྒྱུ་མཐའ་འཁྱོངས་བྱས་པ་དང་དུས་མཚུངས་སུ། འབྲེལ་ཡོད་རྒྱལ་ཁབ་ཀྱི་ཁྲིམས་འཛིན་སྡེ་ཁག་དང་དངོས་དོན་མཉམ་ལས་གཏིང་ཟབ་ཏུ་ཧུར་ཐག་བཏང་ནས། གློག་འཕྲིན་དང་དྲ་རྒྱའི་ཁ་བསླུས་ཀྱི་ཉེས་གསོག་ཐོན་མང་བའི་རྣམ་པ་བཀག་འགོག་མཐའ་གཅིག་ཏུ་བྱས་ཏེ། བདེ་འཇགས་འཕེལ་རྒྱས་ཀྱི་ཁེ་ཕན་དང་མི་དམངས་ཀྱི་ཁྲིམས་མཐུན་ཁེ་དབང་ནུས་ཤུགས་ཡོད་རྒུས་སྲུང་སྐྱོང་བྱེད་བཞིན་ཡོད།
