ཟླ་11ཚེས་26ཉིན། ཤར་རྒྱུད་འཐབ་ཁུལ་མཁའ་དམག་གི་གསར་འགྱུར་མགྲིན་ཚབ་པ་ཚའོ་ཅུན་ཏཱ་ཞའོ་ཡིས། ཨ་རིའི་དམག་དཔུང་གི་P-8Aའཇབ་རྒོལ་སྐོར་ཞིབ་གནམ་གྲུ་ཞིག་ཐའེ་ཝན་མཚོ་འགག་ཏུ་འཕུར་བ་མ་ཟད་ཡོངས་གྲགས་སུ་འུད་སྒྲོག་བྱས་པ་རེད། ཀྲུང་གོའི་མི་དམངས་བཅིངས་འགྲོལ་དམག་གི་ཤར་རྒྱུད་འཐབ་ཁུལ་གྱིས་རྒྱ་མཚོ་དང་མཁའ་དབྱིངས་ཀྱི་དམག་ཤུགས་སྒྲིག་འཛུགས་བྱས་ནས། ཨ་རིའི་གནམ་གྲུ་འཕུར་སྐྱོད་བྱེད་རིམ་ཧྲིལ་པོར་ལྟ་སྐུལ་དང་ཉེན་ཟོན་བྱས་ཏེ་ཁ་གཏད་བཅལ་བ་དང་ཐག་གཅོད་ནུས་ལྡན་བྱས་ཡོད། ཨ་རིའི་འབྲེལ་ཡོད་གཏམ་བརྗོད་དུ་ཁྲིམས་ལུགས་འཁྱོག་བཤད་དང་མཐོང་ཐོས་རྙོག་བཟོ་བྱས་ནས་རྒྱལ་སྤྱིའི་ངོས་འཛིན་ལོག་ལམ་དུ་ཁྲིད་པ་རེད། ང་ཚོས་ཨ་རི་ཕྱོགས་ལ་འཁྱོག་བཤད་དང་འུད་སྒྲོག་བྱེད་མཚམས་བཞག་ནས། ཐུན་མོང་ཐོག་ས་ཁུལ་གྱི་ཞི་བདེ་དང་བརྟན་ལྷིང་སྲུང་སྐྱོང་བྱ་དགོས་ཞེས་འབྲེལ་གཏུག་ནན་མོར་བྱ་རྒྱུ་ཡིན་ཞེས་བཤད།
