سومما ئۆستۈرۈلدى، ئۆسۈم نىسبىتى تۆۋەنلىتىلدى! دۆلەتنىڭ ئوقۇش ياردەم قەرز پۇلى سىياسىتى تەڭشەلدى
مۇخبىرنىڭ 11-ئاينىڭ 4-كۈنى مالىيە مىنىستىرلىقىدىن ئىگىلىشىچە، مالىيە مىنىستىرلىقى، مائارىپ مىنىستىرلىقى، جۇڭگو خەلق بانكىسى، دۆلەت پۇل مۇئامىلىنى نازارەت قىلىش-باشقۇرۇش باش ئىدارىسى يېقىندا بىرلىكتە ئۇقتۇرۇش ئېلان قىلىپ، ئالىي مەكتەپلەردىكى ئائىلىسىدە ئىقتىسادىي قىيىنچىلىقى بار ئوقۇغۇچىلارنى قوللاش سالمىقىنى يەنىمۇ ئاشۇرۇپ، ئوقۇغۇچىلارنىڭ قەرز ئېلىش ئېھتىياجىنى تېخىمۇ ياخشى قاندۇرۇپ، ئوقۇغۇچىلارنىڭ ئىقتىسادىي يۈكىنى يېنىكلىتىش ئۈچۈن، دۆلەتنىڭ ئوقۇش ياردەم قەرز پۇلى سىياسىتىنى تەڭشەپ مۇكەممەللەشتۈرىدىغانلىقىنى ئېيتقان.
ئۇقتۇرۇشتا دۆلەتنىڭ ئوقۇش ياردەم قەرز پۇلى سوممىسىنى ئۆستۈرۈش ئايدىڭلاشتۇرۇلدى. 2024-يىلى كۈزلۈك ئوقۇش مەۋسۇمىدىن باشلاپ، پۈتۈن كۈنلۈك تۈزۈمدىكى ئادەتتىكى تولۇق كۇرس ئوقۇغۇچىلىرى (2-باكلاۋۇرلۇق ئۇنۋانى، ئالىي كەسپىي تېخنىكوم ئوقۇغۇچىلىرى، تەييارلىق سىنىپ ئوقۇغۇچىلىرىنى ئۆز ئىچىگە ئالىدۇ)نىڭ ھەر بىرى ھەر يىلى ئىلتىماس قىلىدىغان قەرز پۇل سوممىسى 16 مىڭ يۈئەندىن يۇقىرى بولماسلىق ئۆلچىمى 20 مىڭ يۈئەندىن يۇقىرى بولماسلىق ئۆلچىمىگە؛ پۈتۈن كۈنلۈك تۈزۈمدىكى ئاسپىرانتلارنىڭ ھەربىرى ھەر يىلى ئىلتىماس قىلىدىغان قەرز پۇل سوممىسى 20 مىڭ يۈەندىن يۇقىرى بولماسلىق ئۆلچىمى 25 مىڭ يۈەندىن يۇقىرى بولماسلىق ئۆلچىمىگە ئۆستۈرۈلدى. ئوقۇغۇچىلار ئىلتىماس قىلغان دۆلەتنىڭ ئوقۇش ياردەم قەرز پۇلى ئالدى بىلەن مەكتەپتىكى مەزگىلدىكى ئوقۇش پۇلى ۋە ياتاق پۇلىنى تۆلەشكە ئىشلىتىلىدۇ، ئېشىپ كەتكەن قىسمى كۈندىلىك تۇرمۇش پۇلىنى تولۇقلاشقا ئىشلىتىلىدۇ.
مەنبە: خەلق تورى
بېكىتكۈچى: مىجىت ئابلا، ئابلىمىت بارى
مۇھەررىر : مەلىكەم مەمەت
ئىلگىرىكى خەۋەرلەر:
شەخسىي ئىستېمالچىلار ئەڭ يۇقىرى بولغاندا 650 يۈەن ئالالايدۇ
ئۈرۈمچى شەھىرى بىر تۈركۈم كادىرلارنى ۋەزىپىگە تەيىنلىدى
جۇڭگو تەرەپ ئامېرىكا تەرەپ بىلەن كەسكىن سۆزلەشتى
ئىككىدىن بىرنى تاللاش قاتارلىق قىلمىشلار قاتتىق چەكلىنىدۇ
ھەرقانداق ھەربىي تەۋەككۈلچىلىك مەسئۇلىيەتسىزلىكتۇر
خې ۋېنجۇڭ قانۇن بويىچە قولغا ئېلىندى
جەمئىي 16 مىليارد 60 مىليون يۈەن قايتۇرۇۋېلىندى
مەركەزنىڭ نازارەت قىلىش خىزمىتى باشلاندى
شىخەنزە داشۆسى قارىمىقىدىكى 1-دوختۇرخانىنىڭ باشلىقى تەكشۈرۈلدى
فىلىپپىننىڭ كېمىسى جۇڭگونىڭ پاراخوتى بىلەن سوقۇلۇپ كەتتىمۇ؟
ئەڭ يۇقىرى بولغاندا تۆلەپ تۇرۇش چېكى 500 مىڭ يۈەن بولىدۇ
