«تەلەكوم مەن ينتەرنەتتەن پايدالانىپ الدامكوستىك ىستەگەندەردى جانە ونىمەن بايلانىستى زاڭعا قايشى قىلمىس وتكىزگەندەردى بىرلەسىپ جازالاپ ساقتاندىرۋ ءادىسى» 12 – ايدىڭ 1 – كۇنىنەن باستاپ اتقارىلادى
قوعام حاۋىپسىزدىگى مينيسترلىگى 11 – ايدىڭ 26 – كۇنى اقپار جاريالاۋ ءماجىلىسىن اشىپ، قوعام حاۋىپسىزدىگى مينيسترلىگى مەملەكەتتىك دامۋ – رەفورما كوميتەتىمەن، ونەركاسىپ جانە ينفورماتسيالاندىرۋ كوميتەتىمەن، جۇڭگو حالىق بانكەسىمەن بىرگە باسىپ تاراتقان «تەلەكوم مەن ينتەرنەتتەن پايدالانىپ الدامكوستىك ىستەگەندەردى جانە ونىمەن بايلانىستى زاڭعا قايشى قىلمىس وتكىزگەندەردى بىرلەسىپ جازالاپ ساقتاندىرۋ ءادىسىن» تانىستىردى، بۇل ءادىس 2024 – جىلى 12 – ايدىڭ 1 – كۇنىنەن باستاپ اتقارىلادى.
جازالاپ ساقتاندىرۋ وبيەكتىلەرى: تەلەكوم مەن ينتەرنەت ارقىلى الدامكوستىك ىستەۋ، سونداي – اق، ونىمەن قاتىستى قىلمىس وتكىزۋ سەبەبىنەن قىلمىستىق ىستەر بويىنشا جاۋاپكەرشىلىگى قۋزاستىرىلعاندار؛ تەلەفون كارتوچكاسى، زاتتار ينتەرنەتى كارتۋچكاسى، تۇراقتى تەلەفون، تەلەكوم جەلىسى، كەلتەحات تەرمينالى، بانكە ەسەپشوتى، تولەۋ ەسەپشوتى، سيفرلى حالىق اقشاسى قاپشىعى، زاتتار ينتەرنەتى تىركەلگىسى قاتارلىلاردى زاڭسىز تۇردە ساۋدالاعان، مايعا بەرگەن، پايدالانا تۇرۋعا بەرگەن ورىندار مەن جەكەلەر نەمەسە قاتىستى ۇيىمداستىرۋشىلار.
جازالاپ ساقتاندىرۋ شارالارى: فينانس ارقىلى جازالاپ ساقتاندىرۋ، تەلەكوم مەن ينتەرنەت ارقىلى جازالاپ ساقتاندىرۋ، سەنىمدىلىگىن ەستەلىككە الۋ ارقىلى جازالاپ ساقتاندىرۋ قاتارلى جازالاپ ساقتاندىرۋ شارالارىن جالپى بەتتىك قولدانۋمەن بىرگە، جازالاپ ساقتاندىرۋ وبيەكتىسىنىڭ نەگىزدىك فينانس، حابارلاسۋ جاعىنداعى قىزمەت وتەۋدەن پايدالانۋى ساقتالىپ، نەگىزدىك تۇرمىس قاجەتىن قاناعاتتاندىرۋىنا كەپىلدىك ەتىلەدى.
جازالاپ ساقتاندىرۋ مەرزىمى: تۇرلىشە جازالاپ ساقتاندىرۋ وبيەكتىلەرى تۋرالى جەكە – جەكە 2 جىل نەمەسە 3 جىل جازالاپ ساقتاندىرۋ مەرزىمى بەلگىلەنەدى، جازالاپ ساقتاندىرۋ مەرزىمىندە كوپ رەت جازالاپ ساقتاندىرۋ تىزىمدىگىنە ەنگىزىلگەندەرگە جالعاستى اتقارىلاتىن جازالاپ ساقتاندىرۋ مەرزىمى 5 جىلدان اسىپ كەتپەۋى كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
