ས་ཁང་བདག་ཁོངས་ཀྱི་ཚོང་ར་བརྟན་པོ་དང་སྐྱོན་བྲལ་ངང་འཕེལ་རྒྱས་ཡོང་ཆེད། འབྲེལ་ཡོད་ཁྲལ་འབབ་སྲིད་ཇུས་ལེགས་སྒྲིག་བྱས།
ཟླ་11ཚེས་13ཉིན། གསར་འགོད་པས་ནོར་སྲིད་པུའུ་ནས་ཤེས་རྟོགས་བྱས་གསལ། ས་ཁང་བདག་ཁོངས་ཁྲོམ་ར་བརྟན་པོ་དང་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བའི་འབྲེལ་ཡོད་ཁྲལ་བསྡུའི་སྲིད་ཇུས་གང་མང་ཉིན་དེར་ཕྱི་ཕྱོགས་ལ་ཁྱབ་བསྒྲགས་བྱས་པ་རེད།
ཞིབ་ཕྲ་ནི་སྡོད་ཁང་ཉོ་ཚོང་ལྷུ་ཚིགས་ཀྱི་གན་ཁྲལ་གཟིགས་སྐྱོང་བྱེད་ཤུགས་ཆེ་རུ་བཏང་ནས། གྲོང་མིའི་ལྡོག་མེད་དགོས་མཁོ་དང་ལེགས་བཅོས་རང་བཞིན་གྱི་སྡོད་ཁང་གི་དགོས་མཁོར་རྒྱབ་སྐྱོར་ཧུར་ཐག་བྱས་པ་དང་། ས་ཆའི་གནས་ཐང་འཕར་ཁྲལ་གྱི་དཔྱ་ཁྲལ་བསྡུ་ཚད་དམའ་ཤོས་སུ་བཏང་ནས། ས་ཁང་བདག་ཁོངས་ཁེ་ལས་ཀྱི་ནོར་དོན་ཐད་ཀྱི་དཀའ་ངལ་ཆུང་དུ་བཏང་། སྡོད་ཁང་དཀྱུས་མ་དང་སྡོད་ཁང་དཀྱུས་མ་མིན་པའི་ཚད་གཞི་འབྲེལ་མཐུད་ཀྱི་གནས་ཐང་འཕར་ཁྲལ་དང་ས་ཞིང་གི་གནས་ཐང་འཕར་ཁྲལ་གྱི་གཟིགས་སྐྱོང་སྲིད་ཇུས་མེད་པ་བཟོ་བ་ཁ་གསལ་བྱས་ཏེ། ལག་བརྒྱུད་ཁང་པའི་ཉོ་འཚོང་གི་མ་གནས་བཅག་པ་དང་། ས་ཁང་བདག་ཁོངས་ཁེ་ལས་ཀྱི་ཁྲལ་འཁྲི་བརྟན་པོ་ཡོང་བ་བཅུག་ཡོད།
