”ءىشىنارا مەكتەپتەردە قىستىق، جازدىق دەمالىستى كۇشىنەن قالدىرۋ سىناق ەتىلەدى“ دەگەن ءسوز راس پا؟ ەڭ جاڭا جاۋاپ
جۋىردا بىرەۋلەر ينتەرنەتتە ”ءىشىنارا مەكتەپتەردە قىستىق، جازدىق دەمالىستى كۇشىنەن قالدىرۋ سىناق ەتىلەدى“ دەگەن حابار جاريالاپ، بۇل ينتەرنەتتە قىزۋ تالقى قوزعاعان، كوپتەگەن وقىرماندار: ”بۇل شىن با، جالعان با؟“ دەپ سۇراعان.
11 – ايدىڭ 25 – كۇنى چاڭجياڭ بۇلتى اقپارات تورابىنىڭ ءتىلشىسى ۋحان قالاسىنداعى قىزىل گالستۋك مەكتەبىندەگى (شاڭمەي مەكتەپ رايونى) كلاس جەتەكشىسى حۋ مۇعالىممەن حابارلاسقاندا، حۋ مۇعالىم ”قىستىق، جازدىق دەمالىستى كۇشىنەن قالدىرۋ“ تۋرالى ەشقانداي ۇقتىرۋ تاپسىرىپ الماعانىن، قازىر قالىپتى وقىتۋ ءۇردىسى بويىنشا وقىتۋدى جالعاستىرىپ جاتقانىن، مەجەمەن 1 – ايدىڭ ورتا شەنىندە وقۋشىلاردى قىستىق دەمالىسقا تاراتاتىنىن بىلدىرگەن.
وسىدان سوڭ، چاڭجياڭ بۇلتى اقپارات تورابىنىڭ ءتىلشىسى ۋحان قالالىق وقۋ – اعارتۋ مەكەمەسىنە تەلەفون بەرگەن، اتالعان مەكەمەنىڭ ۇگىت ءبولىمىنىڭ ءمالىم جاۋاپتىسى ”قىستىق، جازدىق دەمالىستى كۇشىنەن قالدىرۋ“ دەگەن ءسوزدىڭ جالعان اقپارات ەكەنىن ايتقان. ءتىلشى وقۋ – اعارتۋ مەكەمەسىنەن ۋحان قالاسىنداعى ورتا، باستاۋىش مەكتەپتەردەن وقۋشىلارعا قىستىق دەمالىستا مىندەتتەمەلى قىزمەت وتەۋدى تالاپ ەتكەن – ەتپەگەنىن سۇراعاندا، بۇل قىزمەتكەر: ”قازىرشە تالاپ ەتكەن جوقپىز“ دەپ جاۋاپ بەرگەن.
ۇعىسۋعا قاراعاندا، وسىنىڭ الدىندا جاريالاعان «ۋحان قالالىق وقۋ – اعارتۋ مەكەمەسىنىڭ 2024 — 2025 – وقۋ جىلىندا بۇكىل قالاداعى جاي ورتا، باستاۋىش مەكتەپتەر مەن بالالار باقشالارىنىڭ ساباق جوسپارىن ويداعىداي ورنالاستىرۋ جونىندەگى ۇقتىرۋىنا» ساي، مىندەتتى وقۋ – اعارتۋ كەزەڭىندەگى مەكتەپتەر 2025 – جىلى 1 – ايدىڭ 18 – كۇنى (سەنبى) قىستىق دەمالىسقا رەسمي تاراتىلادى، جاي ورتا مەكتەپتەر 1 – ايدىڭ 22 – كۇنى (سارسەنبى) قىستىق دەمالىسقا رەسمي تاراتىلادى.
2021 – جىلى قوعامدا ”وقىتۋشىلاردىڭ قىستىق، جازدىق دەمالىسى كۇشىنەن قالدىرىلادى“ دەگەن ءسوز تاراعان، سول كەزدە وقۋ – اعارتۋ مينيسترلىگى ”بۇلاي ايتۋدىڭ ەشقانداي نەگىزى جوق“ دەپ جاۋاپ قايتارعان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
